തിരുവനന്തപുരം: അഗ്നിവീര് തിരഞ്ഞെടുപ്പിനുള്ള ഓണ്ലൈന് രജിസ്ട്രേഷന് ആരംഭിച്ചു. അഗ്നിവീര് ജനറല് ഡ്യൂട്ടി, അഗ്നിവീര് ടെക്നിക്കല്, അഗ്നിവീര് ക്ലര്ക്ക്/സ്റ്റോര് കീപ്പര് ടെക്നിക്കല്, അഗ്നിവീര് ട്രേഡ്സ്മാന് എന്നീ വിഭാഗങ്ങള്ക്കായാണ് തിരഞ്ഞെടുപ്പ്. ഏപ്രില് 10ന് അവസാനിക്കും. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളിലെ പുരുഷ ഉദ്യോഗാര്ത്ഥികളില് നിന്നും അപേക്ഷകള് ക്ഷണിച്ചു. ഓണ്ലൈന് കമ്പ്യൂട്ടര് അധിഷ്ഠിത എഴുത്തുപരീക്ഷ (ഓണ്ലൈന് CEE), റിക്രൂട്ട്മെന്റ് റാലി എന്നീ രണ്ട് ഘട്ടങ്ങളിലായാണ് റിക്രൂട്ട്മെന്റ്.
joinindianarmy.nic.inലേക്ക് ലോഗിന് ചെയ്ത് യോഗ്യതാ നില പരിശോധിച്ച് പ്രൊഫൈല് സൃഷ്ടിക്കുക. അപേക്ഷ സമര്പ്പിക്കാനുള്ള അവസാന തീയതി ഏപ്രില് 10. പരീക്ഷ ജൂണ് മുതല് ആരംഭിക്കും.
ഉദ്യോഗാര്ത്ഥികള്ക്ക് യോഗ്യതയെ അടിസ്ഥാനമാക്കി രണ്ട് വിഭാഗങ്ങളിലേക്കും അപേക്ഷിക്കാം. രണ്ട് ഓപ്ഷനുകള് തേടുന്ന ഉദ്യോഗാര്ത്ഥികള് രണ്ട് വിഭാഗങ്ങളുടേയും ഫോമുകള് വെവ്വേറെ പൂരിപ്പിച്ച്, രണ്ട് പൊതു പ്രവേശന പരീക്ഷകള്ക്ക് ഹാജരാകണം, ഉയര്ന്ന ശാരീരികക്ഷമതാ പരീക്ഷ, ശാരീരിക അളവ് വേണ്ടി വരുന്ന വിഭാഗത്തിന് തിരഞ്ഞെടുക്കുന്ന വിഭാഗങ്ങളുമായി ബന്ധപ്പെട്ട്, ഒന്ന്/രണ്ട് റിക്രൂട്ട്മെന്റ് റാലിയും, മെഡിക്കല് ടെസ്റ്റും തീരുമാനിക്കാം. അപേക്ഷാ ഘട്ടത്തില് തന്നെ വിഭാഗങ്ങളുടെ മുന്ഗണന രേഖപ്പെടുത്തണം. റിക്രൂട്ട്മെന്റ് റാലി പൂര്ത്തിയാക്കിയ ശേഷം അന്തിമ ഓപ്ഷന് ചോദിക്കുന്നതാണ്. 10, 12 ക്ലാസ് ഫലപ്രഖ്യാപനത്തിനായി കാത്തിരിക്കുന്ന വര്ക്ക് ആവശ്യമായ മറ്റെല്ലാ യോഗ്യതകളും പൂര്ത്തീകരിച്ചിട്ടുണ്ടെങ്കില് അപേക്ഷിക്കാന് അര്ഹതയുണ്ട്. ഇവര് റിക്രൂട്ട്മെന്റിന്റെ രണ്ടാം ഘട്ടത്തില് യഥാര്ത്ഥ മാര്ക്ക് ഷീറ്റ് ഹാജരാക്കുമ്പോള് മാത്രമേ തിരഞ്ഞെടുക്കൂ.
ഭാരത സൈന്യത്തിലേക്കുള്ള റിക്രൂട്ട്മെന്റ് പൂര്ണമായും നിഷ്പക്ഷവും മെറിറ്റ് അടിസ്ഥാനമാക്കിയുള്ളതുമാണ്. ഉദ്യോഗാര്ത്ഥികള് റിക്രൂട്ടിങ് ഏജന്റുമാരെന്ന വ്യാജേന വരുന്ന വ്യക്തികള്ക്ക് ഇരയാകരുത്.
