തിരുവനന്തപുരം: സാംസ്‌കാരികമായി വേരൂന്നിയതും ആത്മീയമായി ഉണര്‍ന്നതുമായ സ്വയംപര്യാപ്ത ഭാരതത്തിനായുള്ള പി പരമേശ്വരന്റ കാഴ്ചപ്പാട് രാജ്യത്തുടനീളം ആഴത്തില്‍ പ്രതിധ്വനിക്കുന്നതായി ഉപരാഷ്‌ട്രപതി ജഗ്ദീപ് ധന്‍കര്‍..പരമേശ്വര്‍ജി ഭാരതത്തിന്റെ ഏറ്റവും മഹാന്മാരായ മക്കളില്‍ ഒരാളാണ്. ഭാരതീയ മൂല്യങ്ങളോടുള്ള അദ്ദേഹത്തിന്റെ അചഞ്ചലമായ പ്രതിജ്ഞാബദ്ധതയും ഇന്ത്യന്‍ ധര്‍മചിന്തയെക്കുറിച്ചുള്ള ആഴത്തിലുള്ള ധാരണയും ദേശീയ ഐക്യത്തിനായുള്ള അദ്ദേഹത്തിന്റെ അശ്രാന്ത പരിശ്രമവും തലമുറകളെ പ്രചോദിപ്പിക്കുന്നു അദ്ദേഹത്തിന്റെ സ്മാരക പ്രഭാഷണത്തില്‍ പങ്കെടുക്കാന്‍ കഴിഞ്ഞതില്‍ അഭിമാനമുണ്ട്. നാലാമത് പി.പരമേശ്വരന്‍ അനുസ്മരണ പ്രഭാഷണം നടത്തുകയായിരുന്നു ധന്‍ഖര്‍.
ഈ നൂറ്റാണ്ടിലെ ഹൈന്ദവ ചിന്താ പ്രക്രിയയുടെ ആദര്‍ശവാദികളുടെയും ചിന്തകരുടെയും മുന്‍നിരയില്‍ പി.പരമേശ്വരന്‍ ഉള്‍പ്പെടുന്നു. സാമൂഹിക പ്രവര്‍ത്തനങ്ങളില്‍ പ്രതിജ്ഞാബദ്ധതയുള്ള ഏറ്റവും മികച്ച ബുദ്ധിജീവികളില്‍ ഒരാളെ ഈ പ്രഭാഷണത്തിലൂടെ നാം ആഘോഷിക്കുകയാണ്… ഒരു നാഗരികത അറിയപ്പെടുന്നത് അടിസ്ഥാനപരമായ പരിഗണനയിലൂടെ മാത്രമാണ്. അത് ശരിക്കും അതിന്റെ മഹാന്മാരായ പുത്രന്മാരെ ബഹുമാനിക്കുന്നുണ്ടോ? കഴിഞ്ഞ കുറച്ച് വര്‍ഷങ്ങളായി അതൊരു വിഷയമാണ്. മറന്നുപോയ നമ്മുടെ നായകന്മാര്‍, വാഴ്‌ത്തപ്പെടാത്ത നായകര്‍, മറഞ്ഞിരിക്കുന്ന നായകര്‍; നാം അവരെ ഓര്‍ക്കുന്നു” ജഗ്ദീപ് ധന്‍കര്‍ കൂട്ടിച്ചേര്‍ത്തു.
ആദിശങ്കരന്റെയും ശ്രീനാരായണ ഗുരുവിന്റെയും നാടായ കേരളം എന്നും സാംസ്‌കാരിക സാമൂഹിക നവോത്ഥാനത്തിന്റെ മണ്ണാണ്.നിരവധി സാമൂഹ്യ പരിഷ്‌കര്‍ത്താക്കളുടെയും നവോത്ഥാന നായകരുടെയും നാടായ കേരളത്തില്‍ അവരെ ഓര്‍ക്കുന്നതു പോലെയാണ് പരമേശ്വര്‍ ജിയെ ഓര്‍മിക്കുന്നത്. അദ്ദേഹത്തിന്റെ ദൗത്യം നാം മുന്നോട്ടുകൊണ്ടു പോകണം. ഉപരാഷ്‌ട്രപതി പറഞ്ഞു
പ്രതികരിക്കാൻ ഇവിടെ എഴുതുക: