കുങ്കുമം തൊട്ട് , രുദ്രാക്ഷം ധരിച്ച് കൂപ്പുകൈകളോടെ ത്രിവേണീ സംഗമത്തിൽ അമൃത സുരേഷ്

പ്രയാഗ് രാജ് : മഹാകുംഭമേളയിൽ പങ്കെടുത്ത് ഗായിക അമൃത സുരേഷ് . നദിയിൽ സ്നാനം, ചെയ്യുന്നതിന്റെ ചിത്രം അമൃത ഇൻസ്റ്റഗ്രാമിൽ പോസ്റ്റ് ചെയ്തു. മഞ്ഞ നിറത്തിലുള്ള വസ്ത്രം ധരിച്ച് , കൂപ്പുകൈകളോടെ നിൽക്കുന്ന ചിത്രമാണ് അമൃത പങ്ക് വച്ചിരിക്കുന്നത് .

‘മഹാകുംഭമേളയിൽ നിന്നും മഹാശിവരാത്രി ആശംസകൾ എന്ന അടിക്കുറിപ്പോടെയാണ് അമൃത സുരേഷ് ചിത്രം പങ്ക് വച്ചത് . 144 വർഷം കൂടുമ്പോൾ നടത്തുന്ന മഹാകുംഭമേള ഇന്ന് സമാപിക്കും .അവസാന ദിനത്തിലാണ് അമൃത കുംഭമേളയിൽ പങ്കെടുത്തത്. ഒറ്റയ്‌ക്കായിരുന്നോ അമൃതയുടെ യാത്ര എന്ന കാര്യത്തിൽ വ്യക്തതയില്ല.

ജനുവരി 13 നാണ് മഹാകുംഭമേള ആരംഭിച്ചത് . ഇതുവരെ 60 കോടിയിലേറെ പേർ ത്രിവേണീ സംഗമത്തിൽ പുണ്യസ്നാനം ചെയ്തുവെന്നാണ് കണക്ക്.കേരളത്തിൽ നിന്നും പ്രമുഖർ ഉൾപ്പെടെ നിരവധി പേർ മഹാകുംഭമേളയിൽ പങ്കെടുത്തു.