കോഴിക്കോട്:എരഞ്ഞിപ്പാലം ഹോളിക്രോസ് കോളേജില്‍ ഒന്നാംവര്‍ഷ വിദ്യാര്‍ഥിയെ സീനിയര്‍ വിദ്യാര്‍ത്ഥികള്‍ റാഗ് ചെയ്‌തെന്ന പരാതിയെ തുടര്‍ന്ന് ആറ് വിദ്യാര്‍ത്ഥികള്‍ക്കെതിരെ റാഗിംഗ് വിരുദ്ധ നിയമ പ്രകാരം പൊലീസ് കേസെടുത്തു. ആരോപണ വിധേയരായ വിദ്യാര്‍ത്ഥികളെ കോളേജില്‍ നിന്ന് സസ്‌പെന്‍ഡ് ചെയ്‌തെന്ന് ഹോളിക്രോസ് കോളേജ് പ്രിന്‍സിപ്പാള്‍ ഷൈനി ജോര്‍ജ്ജ് അറിയിച്ചു.
ഈ മാസം 14ന് കോളേജ് കലോത്സവത്തിനിടെ ആയിരുന്നു റാഗിംഗ്. ഒന്നാം വര്‍ഷ ബിബിഎ വിദ്യാര്‍ത്ഥി വിഷ്ണു കൂളിംഗ് ഗ്ലാസ് ധരിച്ച് നൃത്തം ചെയ്തത് ഇഷ്ടപെടാത്തതിനാലാണ് സീനിയര്‍ വിദ്യാര്‍ത്ഥികള്‍ മര്‍ദിച്ചതെന്നാണ് പരാതി.
മര്‍ദനത്തില്‍ വിഷ്ണുവിന് കാലിനും തലയ്‌ക്കും പരിക്കേറ്റതായാണ് പരാതിയിലുളളത്.കോളേജിലെ റാഗിംഗ് വിരുദ്ധ സമിതിയുടെ റിപ്പോര്‍ട്ടിന്റെ അടിസ്ഥാനത്തില്‍ നടക്കാവ് പൊലീസ് കേസെടുത്തു.
കോഴിക്കോട് ഒളവണ്ണ സ്വദേശിയാണ് റാഗിംഗിന് ഇരയായ വിഷ്ണു.
പ്രതികരിക്കാൻ ഇവിടെ എഴുതുക: