ആനയിറങ്കല്‍ ഡാമില്‍ കാണാതായ ഒരാളുടെ മൃതദേഹം കണ്ടെടുത്തു, രണ്ടാമനായി തെരച്ചില്‍ തുടരുന്നു

ഇടുക്കി : ആനയിറങ്കല്‍ ഡാമില്‍ കുളിക്കാനിറങ്ങി കാണാതായ ഒരാളുടെ മൃതദേഹം കണ്ടെടുത്തു.രാജകുമാരി പഞ്ചായത്ത് അംഗം ജയ്‌സന്റെ മൃതദേഹമാണ് തെരച്ചിലില്‍ കണ്ടെടുത്തത്.

ഒപ്പം ഉണ്ടായിരുന്ന മോളേകുടി സ്വദേശി ബിജുവിനായുള്ള തെരച്ചില്‍ പുരോഗമിക്കുന്നു.അഗ്നിശമനസേനയും നാട്ടുകാരും സംയുക്തമായാണ് തെരച്ചില്‍ നടത്തുന്നത്.

തിങ്കളാഴ്ച വൈകുന്നേരം മുതലാണ് ഇരുവരെയും കാണാതായത്.ഡാമിന്റെ പരിസരത്തുനിന്നും ഇവരുടെ ചെരുപ്പുകളും ഫോണും വാഹനവും കണ്ടെത്തിയിരുന്നു. ഡാമിന്റെ പല ഭാഗങ്ങളും അപകട സാധ്യത നിറഞ്ഞ മേഖലയാണ്.

ഇവിടെയാണ് ഇരുവരും കുളിക്കാനായി ഇറങ്ങിയത്. സ്‌കൂബ ടീമും തിരച്ചില്‍ നടത്തുന്നു.