പ്രയാഗ് രാജ് :പി. പത്മരാജൻ തിരക്കഥയെഴുതി സംവിധാനം ചെയ്ത മലയാളചലച്ചിത്രമാണ് ഞാൻ ഗന്ധർവ്വൻ. അതില് ഭൂമിയിലെ കന്യകയെ പ്രണയിക്കുന്ന ഗന്ധര്വ്വനായി അഭിനയിച്ച നിതീഷ് ഭരദ്വാജ് എന്ന സുന്ദരനായ നടന് അന്ന് മലയാളത്തിലെ പെണ്കുട്ടികളുടെ മനസ്സ് കൂടി കവര്ന്ന നടനാണ്. മഹാഭാരതം സീരിയലില് കൃഷ്ണനായി അഭിനയിച്ച നടന് തന്നെ തന്റെ കഥാപാത്രത്തിന് വേണമെന്ന് പത്മരാജന് നിര്ബന്ധമായിരുന്നു.
ഇന്നിതാ മഹാകുംഭമേള നടക്കുന്ന പ്രയാഗ് രാജില് യാദൃച്ഛികമായി നിതീഷ് ഭരദ്വാജിനെ കണ്ടുമുട്ടിയതിന്റെ സന്തോഷം ഒരു വീഡിയോ പങ്കുവെച്ച് അറിയിച്ചിരിക്കുകയാണ് നടന് ജയസൂര്യ
1991ല് ആണ് ഞാന് ഗന്ധര്വ്വന് പുറത്തിറങ്ങിയത്. ഇപ്പോള് 34 വര്ഷം കഴിഞ്ഞിരിക്കുന്നു. എങ്കിലും നിതീഷ് ഭരദ്വാജ് ഇപ്പോഴും ആക്ടീവായ യുവാവാണെന്ന് ജയസൂര്യയുടെ വീഡിയോ കണ്ടാല് മനസ്സിലാകും. ജയസൂര്യയ്ക്കൊപ്പം ഞാന് ഗന്ധര്വ്വനിലെ മലയാളം ഗാനം പാടുകയാണ് നിതീഷ് ഭരദ്വാജ്.
ഗന്ധർവ്വനെ കുംഭമേളയിൽ ജയസൂര്യ കണ്ടുമുട്ടിയപ്പോൾ❤️ pic.twitter.com/amMOG9kQiY
— Manoj Chandran (@manoj_chan) February 11, 2025
കൈതപ്രം ഈ സിനിമയ്ക്ക് വേണ്ടി രചിച്ച് ജോണ്സണ് സംഗീതം ചെയ്ത എക്കാലത്തും മലയാളികളുടെ മനം കവര്ന്ന പ്രണയഗാനമായ ‘ദേവാങ്കണങ്ങള് കയ്യൊഴിഞ്ഞ താരകം’ എന്ന ഗാനമാണ് നിതീഷ് ഭരദ്വാജ് ജയസൂര്യയ്ക്കൊപ്പം പാടുന്നത്. ഏതാനും വരികള് എത്ര സമര്ത്ഥമായാണ് നിതീഷ് ഭരദ്വാജ് പാടുന്നത് എന്നത് കേള്വിക്കാരെ അത്ഭുതപ്പെടുത്തും.
ഭൂമിയിലെ ഒരു കന്യകയെ പ്രണയിക്കുന്ന ഗന്ധർവ്വന്റെ കഥയാണ് ചിത്രത്തിൽ ആവിഷ്കരിച്ചിരിക്കുന്നത്. പത്മരാജൻ സംവിധാനം ചെയ്ത അവസാന ചലച്ചിത്രം കൂടിയാണ് ഞാൻ ഗന്ധർവ്വൻ. നിരവധി തടസ്സങ്ങള് ഈ സിനിമയുടെ നിര്മ്മാണവേളയില് പത്മരാജന് നേരിട്ടിരുന്നു. എല്ലാ കാര്യങ്ങളും ശരിയാക്കി നായകനായി നിശ്ചയിച്ച നിതീഷ് ഭരദ്വാജിനെ കാണാൻ ബോബെെയ്ക്ക് പോകുന്ന വഴി വണ്ടിയിൽ പരുന്തിടിച്ച് ആദ്യ യാത്ര മുടങ്ങിയിരുന്നു. പിന്നീട് നിർമ്മാതാവായെത്തിയ ആൾ പിൻമാറി അങ്ങനെ തുടക്കം മുതൽ നിരവധി പ്രശ്നങ്ങളാണ് നേരിട്ടിരുന്നത്. അതുപോലെ തന്നെ ഷൂട്ടിങ്ങിനിടയിൽ പല അഭിനേതാക്കൾക്കും ചെറുതും വലുതുമായ അപകടങ്ങളും സംഭവിച്ചിരുന്നു.
