തിരുവനന്തപുരം:സൈബര് തട്ടിപ്പിനെതിരെ പരാതി നല്കി ധനവകുപ്പ് അഡീഷണല് ചീഫ് സെക്രട്ടറി എ ജയതിലക്.തന്റെ പേരില് പണം ആവശ്യപ്പെട്ട് വാട്സ്ആപ്പ് കോളുകളും സന്ദേശങ്ങളും പ്രചരിക്കുന്നതായി കാട്ടി അദ്ദേഹം ആഭ്യന്തര വകുപ്പിന് പരാതി നല്കി.
ധനകാര്യ വകുപ്പിലെ ഉദ്യോഗസ്ഥര്ക്കിടയിലാണ് കുറച്ചു ദിവസമായി സന്ദേശങ്ങള് പ്രചരിക്കുന്നതെന്നും ഇക്കാര്യം അന്വേഷിച്ച് നടപടിയെടുക്കണമെന്നുമാണ് പരാതിയിലെ ആവശ്യം.
പൊലീസ് കേസെടുത്ത് അന്വേഷണം ആരംഭിച്ചു. വ്യാജ നമ്പര് ഉപയോഗിച്ച് തന്റെ പേരില് പരിചയപ്പെടുത്തി ധനവകുപ്പിലെ ഉദ്യോഗസ്ഥര്ക്ക് സന്ദേശം ലഭിക്കുന്നുണ്ടെന്നും പണം അയക്കാനാണ് ആവശ്യപ്പെടുന്നതെന്നുമാണ് എ ജയതിലകിന്റെ പരാതി.താന് അവശനിലയിലാണെന്നും പണം ആവശ്യമുണ്ടെന്നും ഉടനെ തിരിച്ചുനല്കാമെന്നും പറഞ്ഞാണ് സന്ദേശമെന്ന് ജയതിലക് പറയുന്നു.തന്നെ അപകീര്ത്തിപ്പെടുത്താനാണിതെന്ന് ജയതിലക് ചൂണ്ടിക്കാട്ടി.
