ഹിന്ദുക്കൾക്കും ഹിന്ദുമതത്തിനും എതിരെ  ഗൂഢാലോചന നടക്കുന്നുണ്ട് : സെനറ്റിന് മുന്നിൽ തുറന്ന് പറഞ്ഞ് യുഎസ് നാഷണല്‍ ഇന്റലിജന്‍സ് ഡയറക്ടർ തുളസി ഗബ്ബാർഡ്

വാഷിംഗ്ടൺ : ഹിന്ദുക്കൾക്കും ഹിന്ദു മതത്തിനുമെതിരെ ഗൂഢാലോചന നടക്കുന്നുണ്ടെന്ന് യുഎസ് നാഷണല്‍ ഇന്റലിജന്‍സ് ഡയറക്ടറായ തുളസി ഗബ്ബാർഡ്. ഹിന്ദുക്കൾക്കെതിരെ മതാന്ധത വളർത്താനാണ് ഡെമോക്രാറ്റിക് പാർട്ടി ശ്രമിക്കുന്നതെന്നും തുളസി ഗബ്ബാർഡ് സെനറ്റ് സെലക്ഷൻ കമ്മിറ്റിക്ക് മുമ്പാകെ വ്യക്തമാക്കി.സെനറ്റുമായി നടത്തിയ കൂടിക്കാഴ്‌ച്ചയ്‌ക്കിടെയായിരുന്നു ഈ പരാമർശം.

“ഇന്തോ-പസഫിക് മേഖലയിലെ ഒരു പ്രധാന സാമ്പത്തിക, സുരക്ഷാ പങ്കാളിയാണ് ഇന്ത്യ. അമേരിക്കൻ പൗരന്മാർക്ക് നേരെ, പ്രത്യേകിച്ച് അമേരിക്കൻ മണ്ണിൽ, ഒരു വിദേശ രാഷ്‌ട്രം കൊലപാതകങ്ങൾക്ക് നേതൃത്വം നൽകുന്നു എന്ന വിശ്വസനീയമായ ആരോപണങ്ങൾ, ഗുരുതരമായ ആശങ്കാജനകമാണ്. ഇത് അന്വേഷിക്കണം. ഇൻ്റലിജൻസ് റിപ്പോർട്ട് പ്രസിഡന്റിനു സമർപ്പിക്കണം.

ഡെമോക്രാറ്റുകൾ വീണ്ടും മതഭ്രാന്തിന്റെ കാർഡ് ഉപയോഗിക്കുന്നു, എന്നാൽ ഇത്തവണ ഹിന്ദുക്കൾക്കും ഹിന്ദുമതത്തിനും എതിരെ മതഭ്രാന്ത് വളർത്താനുള്ള ശ്രമമാണ് നടക്കുന്നത്. ആർക്കെങ്കിലും ഹിന്ദുമതത്തെക്കുറിച്ച് കൂടുതൽ അറിയാൻ താൽപ്പര്യമുണ്ടെങ്കിൽ, അവർക്ക് എന്റെ സോഷ്യൽ മീഡിയ അക്കൗണ്ട് X സന്ദർശിക്കാം, ഈ വിഷയത്തെക്കുറിച്ചുള്ള കൂടുതൽ വിവരങ്ങൾ ഞാൻ പങ്ക് വയ്‌ക്കും.‘ തുളസി ഗബ്ബാർഡ് പറഞ്ഞു.