വയനാട്:പൂക്കോട് വെറ്ററിനറി കോളേജ് വിദ്യാര്‍ത്ഥി സിദ്ധാര്‍ഥന്റെ മരണവുമായി ബന്ധപ്പെട്ട കേസിലെ പ്രതികള്‍ക്ക് പഠനം തുടരാന്‍ അനുമതി. ഇതിന് സര്‍വകലാശാല ഉത്തരവ് ഇറക്കി.
ഹൈക്കോടതി നിര്‍ദേശ പ്രകാരമാണ് നടപടി. മണ്ണുത്തി ക്യാമ്പസില്‍ താത്കാലികമായി പഠനം തുടരാമെങ്കിലും ആര്‍ക്കും ഹോസ്റ്റല്‍ സൗകര്യം അനുവദിക്കില്ല.
റാഗിംഗ് വിരുദ്ധ സമിതി നടത്തിയ അന്വേഷണത്തിന് പിന്നാലെ പഠന വിലക്ക് നേരിട്ടവരാണ് ഹൈക്കോടതിയില്‍ നിന്ന് ഇളവ് നേടിയത്. കുറ്റാരോപിതരെ റാഗിംഗ് വിരുദ്ധ സമിതി കേട്ടിരുന്നില്ല.ഈ സമയം വിദ്യാര്‍ഥികള്‍ പൊലീസ് കസ്റ്റഡിയിലോ ഒളിവിലോ ആയിരുന്നു.
ഇവരെ കേട്ടശേഷം റാഗിംഗ് വിരുദ്ധ സമിതി പുതിയ റിപ്പോര്‍ട്ട് തയാറാക്കി നടപടി വ്യക്തമാക്കും. ഇത് കൂടി പരിഗണിച്ചാകും കോടതി അന്തിമ തീര്‍പ്പിലെത്തുക.
പ്രതികരിക്കാൻ ഇവിടെ എഴുതുക: