തിരുവനന്തപുരം: ബാലരാമപുരത്ത് സഹോദരിയുടെ പുത്രി രണ്ടര വയസുകാരി ദേവേന്ദുവിനെ കൊലപ്പെടുത്തിയത് ഉള്വിളി കൊണ്ടെന്ന് ഹരികുമാര്. കൊല്ലണമെന്ന് തോന്നിയപ്പോള് കൊന്നെന്നും ഹരികുമാര് പറഞ്ഞു.
പ്രതി അടിക്കടി മൊഴി മാറ്റുന്നത് പൊലീസിനെ വട്ടം ചുറ്റിക്കുകയാണ്. സഹോദരിയുമായി കൂടുതല് അടുപ്പത്തിന് കുഞ്ഞ് പ്രശ്നമാകുമെന്ന് കണ്ടപ്പോള് കൊലപ്പെടുത്തി എന്നാണ് ഇന്നലെ മൊഴി നല്കിയത്.
പ്രതിക്ക് മാനസിക സ്ഥിരതയില്ലാത്തത് മൂലം കൊലപാതകത്തിന്റെ കാരണം ഇപ്പോഴും അവ്യക്തമാണെന്ന് തിരുവനന്തപുരം റൂറല് എസ്പി കെഎസ് സുദര്ശന് പറഞ്ഞു. കുറച്ച് നാളായി ചികിത്സയിലാണ് ഹരികുമാറെന്നും വ്യക്തമായ കണ്ടെത്തലുകളിലേക്ക് എത്താന് കൂടുതല് അന്വേഷണം വേണ്ടതുണ്ടെന്നും അദ്ദേഹം മാധ്യമങ്ങളോട് പ്രതികരിച്ചു.ഇയാള് ആറ് വര്ഷമായി മാനസിക പ്രശ്നങ്ങള്ക്ക് ചികിത്സയിലാണെന്നാണ് മാതാവും പറഞ്ഞത്.
അന്ധവിശ്വാസത്തിന്റെ തെളിവ് കിട്ടിയിട്ടില്ല. ജ്യോത്സ്യന് 30 ലക്ഷം രൂപ തട്ടിയെന്ന കുട്ടിയുടെ അമ്മയുടെ പരാതി ശംഖുംമുഖം ദേവീദാസന് നിഷേധിച്ചു.
അതിനിടെ, പ്രതി ഹരികുമാറിനെ കൊലപാതകം നടന്ന , ഇവര് വാടകയ്ക്ക് താമസിക്കുന്ന സ്ഥലത്തെത്തിച്ചു തെളിവെടുത്തു. പിന്നീട് നെയ്യാറ്റിന്കര ജനറല് ആശുപത്രിയിലേക്ക് വിരലടയാളം അടക്കം ശേഖരിക്കുന്നതിനായി എത്തിച്ചു. ഇതിന് ശേഷം മജിസ്ട്രേറ്റിന് മുന്നില് ഹാജരാക്കും.
