പറവൂർ : വ്യാജ ആധാർ കാർഡ് ഉപയോഗിച്ച് കേരളത്തിലെത്തിയ 27 ബംഗ്ലാദേശികൾ പിടിയിൽ . വടക്കൻ പറവൂരിൽ നിന്നാണ് ഇവർ പിടിയിലായത് . ഇവിടെ ഒരു വീട്ടിൽ ഒരുമിച്ച് താമസിച്ച് വരികയായിരുന്നു . വെള്ളിയാഴ്‌ച്ച പുലർച്ചെ രണ്ട് മണിയോടെയാണ് സംഘം പിടിയിലാകുന്നത്.
നേരത്തെ സമാനമായ രീതിയിൽ ഏഴ് ബംഗ്ലാദേശികൾ പിടിയിലായിരുന്നു. എറണാകുളം റൂറലിൽ നിന്നാണ് ഇവർ പിടിയിലായത് . എന്നാൽ ഇത്രയധികം പേർ ഒരുമിച്ച് പിടിയിലായത് ആശങ്കയ്‌ക്കിടയാക്കിയിട്ടുണ്ട്. രഹസ്യവിവരത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് ഇവർ പിടിയിലായത് . എടിഎസും, പോലീസും ചേർന്നാണ് ഇവരെ വലയിലാക്കിയത് .
മൂന്ന് മാസം മുൻപ് ഇവിടെ എത്തിയവരാണ് എന്നാണ് ഇവർ നൽകിയ മൊഴി. എന്നാൽ ഇത് വിശ്വസിക്കാൻ പൊലീസ് തയ്യാറായിട്ടില്ല. ഇവർ എങ്ങനെയാണ് കേരളത്തിൽ എത്തിയതെന്നും , താമസസൗകര്യം ഒരുക്കി നൽകിയത് ആരാണെന്നതും അന്വേഷിക്കും.അതേസമയം ഇത്രയും പേർ ഒന്നിച്ച് താമസിക്കുന്നത് രാജ്യസുരക്ഷയെ തന്നെ ബാധിക്കുന്ന വിഷയമാണെന്നാണ് വിലയിരുത്തൽ.
പ്രതികരിക്കാൻ ഇവിടെ എഴുതുക