ഇടുക്കി: വയറിളക്കം മൂലം ആശുപത്രിയില് ചികിത്സ തേടി വീട്ടില് മടങ്ങിയെത്തിയ 12 വയസുകാരന് മരിച്ചു. ആശുപത്രിയില് നിന്നും മടങ്ങിയെത്തിയപ്പോള് അവശത ഏറി. വീണ്ടും ആശുപത്രിയിലേക്ക് കൊണ്ടുപോയെങ്കിലും മരണം സംഭവിച്ചു.
വലിയതോവാള കല്ലടയില് വിനോദിന്റെ മകന് റൂബന് ആണ് മരിച്ചത്. വ്യാഴാഴ്ച രാവിലെ ഇരട്ടയാറിലെ ആശുപത്രിയില് ചികിത്സയ്ക്ക് ശേഷം വീട്ടിലേക്ക് മടങ്ങി.
വൈകിട്ട് അവശനിലയിലായതോടെ കട്ടപ്പനയിലെ സ്വകാര്യ ആശുപത്രിയിലേക്ക് കൊണ്ടുപോയി. എന്നാല് മരണം സംഭവിച്ചു. വണ്ടന്മേട് പൊലീസ് കേസ് എടുത്തു.
