ചെന്നൈ: ഐ എസ് എല്ലില്‍ ചെന്നൈയിന്‍ എഫ്‌സിയെ അവരുടെ ഗ്രൗണ്ടില്‍ പരാജയപ്പെടുത്തി കേരള ബ്ലാസ്റ്റേഴ്സ്. 3-1 എന്ന സ്‌കോറിനാണ് കേരള ബ്ലാസ്‌റ്റേഴ്‌സിന്റെ വിജയം. ചെന്നൈക്കെതിരെ അവരുടെ ഗ്രൗണ്ടില്‍ ആദ്യമായാണ് ബ്ലാസ്റ്റേഴ്സ് ജയിക്കുന്നത്.
19 മത്സരങ്ങളില്‍ നിന്ന് ഏഴു വിജയവുമായി 24 പോയിന്റുള്ള ബ്ലാസ്റ്റേഴ്സ് പോയിന്റ് പട്ടികയില്‍ എട്ടാമതാണ്.
ഹെസൂസ് ഹിമെനെ (മൂന്നാം മിനിറ്റ്), കോറു സിംഗ് (45+3), ക്വാമെ പെപ്ര (56) എന്നിവരാണ് ബ്ലാസ്‌റ്റേഴ്‌സിനായി ഗോള്‍വല കുലുക്കിയത്. 37ാം മിനിറ്റില്‍ ജോര്‍ദാന്‍ ഗില്‍ ചുവപ്പു കാര്‍ഡ് കണ്ടു പുറത്തായതോടെ ചെന്നൈയ് പത്തു പേരുമായാണ് കളിച്ചത്.
ബ്ലാസ്റ്റേഴ്സ് താരം മിലോസ് ഡ്രിന്‍സിച്ചിനെ പിടിച്ചുതള്ളിയതിനാണ് ജോര്‍ദാന്‍ ഗില്‍ ചുവപ്പ് കാര്‍ഡ് കണ്ടത്.
അവസാന മിനിറ്റില്‍ വിന്‍സി ബരെറ്റോ ചെന്നൈയ്‌ക്കായി ആശ്വാസ ഗോള്‍ നേടി്. ഇന്ന് ജയിച്ചില്ലെങ്കില്‍ ബ്ലാസ്റ്റേഴ്സിന് പ്ലേഓഫ് സാധ്യത നിലനിര്‍ത്താനാവില്ലായിരുന്നു.
അതേസമയം,മത്സരത്തിനിടെ കേരള ബ്ലാസ്റ്റേഴ്സ് താരങ്ങള്‍ തമ്മില്‍ കൊമ്പു കോര്‍ത്തത് നാണക്കേടായി. നായകന്‍ അഡ്രിയാന്‍ ലൂണയും, സ്‌െ്രെടക്കര്‍ നോഹ സദോയിയുമായാണ് ഗ്രൗണ്ടില്‍ വഴക്കിട്ടത്. ഇഞ്ചുറി ടൈമിലാണ് താരങ്ങള്‍ വഴക്കടിച്ചത്. ഗോളിലേക്ക് എളുപ്പം നല്‍കേണ്ട പാസ് നോഹ പാഴാക്കുകയായിരുന്നു. തുടര്‍ന്ന് നയാകന്‍ ലൂണ ദേഷ്യപ്പെട്ട് ഓടിവന്ന് നോഹയോട് വഴക്കിടുന്നത്.
ഇരുവരും പരസ്പരം തള്ളുകയും രൂക്ഷമായ ഭാഷയില്‍ കൊമ്പുകോര്‍ക്കുകയുമായിരുന്നു. തുടര്‍ന്ന് സഹതാരമെത്തി നോഹയെ മാറ്റിക്കൊണ്ടുപോവുകയായിരുന്നു.
പ്രതികരിക്കാൻ ഇവിടെ എഴുതുക: