തൃശൂര്: കലിക്കറ്റ് സര്വകലാശാല ഡി സോണ് കലോത്സവത്തിനിടെ സംഘര്ഷത്തില് എസ്എഫ്ഐ നേതാവിനെ ക്രൂരമായി മര്ദ്ദിച്ച കെഎസ്യു നേതാക്കളെ കോളേജില് നിന്ന് സസ്പെന്ഡ് ചെയ്തു. കേരള വര്മ്മ കോളേജ് അധികൃതരാണ് നടപടി സ്വീകരിച്ചത്.
ഗോകുല് ഗുരുവായൂര്, അക്ഷയ് എന്നിവരെയാണ് കേരള വര്മ്മ കോളേജില് നിന്ന് രണ്ടാഴ്ചത്തേക്ക് അന്വേഷണ വിധേയമായി സസ്പെന്ഡ് ചെയ്തത്.കലോത്സവം ഡ്യൂട്ടിയില് ഉണ്ടായിരുന്ന അധ്യാപകരുടെയും കോളേജ് യൂണിയന്റെയും പരാതിയിലാണ് നടപടി.
പരാതി പരിഗണിക്കാന് ചേര്ന്ന കോളേജ് കൗണ്സിലില് ഭൂരിപക്ഷം അംഗങ്ങളും സസ്പെന്ഷനെ അനുകൂലിച്ചു. വധശ്രമ കേസെടുത്തതിനെ തുടര്ന്ന് ഗോകുല് ഗുരുവായൂര് ജില്ലാ ജയിലില് റിമാന്ഡിലാണ്.
കേരളവര്മ്മ കോളേജിലെ ബി എ സംസ്കൃതം വിദ്യാര്ഥിയാണ് ഗോകുല് ഗുരുവായൂര്. ബി എ സംസ്കൃതം അവസാന വര്ഷ വിദ്യാര്ഥിയാണ് അക്ഷയ്.
