കൊച്ചി: മഹാത്മാഗാന്ധിയുടെ പാദ സ്പര്ശമേറ്റതിന്റെ ശതാബ്ദി നിറവിലാണ് ഫോര്ട്ട്കൊച്ചി. ഗാന്ധിജിയുടെ പാദസ്പര്ശമേറ്റ സ്ഥലത്ത് ഗാന്ധിസ്മൃതികളുടെ സ്മാരകമൊരുക്കുന്നതിലോ, സ്തൂപങ്ങളൊരുക്കുന്നതിനോ അധികൃതര്ക്കായിട്ടില്ല. സ്വാതന്ത്ര്യസമര സമ്മേളനം നടന്ന കൊച്ചി കടപ്പുറം സംരക്ഷിക്കുന്നതില് പോലും ഭരണകൂടങ്ങള്ക്ക് വൈമനസ്യം. ഗാന്ധിജിയെക്കുറിച്ച് വിലപിക്കുന്ന ഇടതു, വല്ലതു മുന്നണികള് മാറിമാറി നഗരസഭ ഭരിച്ചിട്ടും ഒരു ഫലകം പോലും സ്ഥാപിക്കാന് ഇതു വരെ കഴിഞ്ഞിട്ടുമില്ല.
സ്വാതന്ത്ര്യസമരത്തിന്റെ പൊതു സമ്മേളനം നടന്ന കടല്ത്തീരത്തെ മഹാത്മഗാന്ധി ബീച്ച് എന്ന് നാമകരണം ചെയ്തത് പോലും ആരുമറിയരുതെന്നാണ് നഗരസഭയുടെ തീരുമാനം. 1925 മാര്ച്ച് 8 നാണ് രണ്ടു ദിവസത്തെ സന്ദര്ശനത്തിനായി കൊച്ചിയിലെത്തിയ മഹാത്മാഗാന്ധിവിശാലമായ ഫോര്ട്ടുകൊച്ചി കടപ്പുറത്തിന്റെ സൗന്ദര്യം ആസ്വദിച്ചിരുന്നു. 1927 ഒക്ടോ. 18ന് രണ്ടാം തവണ കൊച്ചിയിലെത്തിയ ഗാന്ധിജി ഫോര്ട്ടുകൊച്ചി കടപ്പുറത്തെത്തി സൂര്യാസ്തമയം കണ്ട് മട്ടാഞ്ചേരിയിലെ ഗുജറാത്തി സമൂഹത്തെ അഭിസംബോധന ചെയ്തു. ഗുജറാത്തി വംശജനായ ജദാവ് ജി. കേശവിന്റെ അരിമില്ലില് അന്തിയുറങ്ങിയാണ് മടങ്ങിയതെന്ന് ചരിത്ര രേഖകളില് പറയുന്നു. 1934 ജനുവരി 17ന് എറണാകുളം, തൃപ്പൂണിത്തുറ, പള്ളുരുത്തി എന്നിവിടങ്ങള് സന്ദര്ശിച്ച ശേഷം ഫോര്ട്ടുകൊച്ചി കടപ്പുറത്ത് നടന്ന സ്വാതന്ത്ര്യസമര സമ്മേളനത്തെ അഭിസംബോധന ചെയ്തു. തുടര്ന്ന് ഒരു പിടി മണ്ണ് കൈയ്യിലെടുത്ത് സാഹസികതയുടെ തീരമാണിതെന്ന പ്രഖ്യാപനവും നടത്തിയാണ് മടങ്ങിയത്. പിന്നീട് 1938 ലും ഗാന്ധിജി ഫോര്ട്ടുകൊച്ചിയിലെത്തിയിരുന്നു .
1976 ല് എ.കെ. ശേഷാദ്രി കൊച്ചി മേയറായിരുന്ന സമയത്താണ് കടപ്പുറത്തിന് രാഷ്ടപിതാവിന്റെ പേര് നല്കാന് തീരുമാനിച്ചത്. ഗാന്ധി നാമകരണ ബോര്ഡും കടപ്പുറത്ത് സ്ഥാപിച്ചു. ബോര്ഡ് പിന്നീട് ദ്രവിച്ച് തകര്ന്നു വീണു. പകരം ഒരു ബോര്ഡ് സ്ഥാപിക്കാന് അധികാരത്തിലിരുന്നവര് ശ്രമിക്കാത്തത് ഓട്ടേറെ തവണ വിമര്ശനത്തിനും ഇടയാക്കിയിരുന്നു.
ജന്മഭൂമി ഓണ്ലൈന്