മൂന്നാര്: മൂന്നാറില് അതിശൈത്യം തുടരുന്നു. താപനില വീണ്ടും പൂജ്യത്തിലെത്തി. മാട്ടുപ്പെട്ടി, ചെണ്ടുവര, ലക്ഷ്മി എസ്റ്റേറ്റ് എന്നിവിടങ്ങളിലാണ് രണ്ടു ദിവസമായി താപനില പൂജ്യത്തിലെത്തിയത്. മൂന്നാഴ്ചക്ക് ശേഷമാണ് പ്രദേശത്തെ താപനില വീണ്ടും പൂജ്യത്തിലെത്തുന്നത്.
ദേവികുളം, സെവന്മല, നല്ലതണ്ണി എന്നിവിടങ്ങളില് ഒരു ഡിഗ്രിയും സൈലന്റ്വാലി, മാട്ടുപ്പെട്ടി എന്നിവിടങ്ങളില് രണ്ടു ഡിഗ്രി സെല്ഷ്യസുമാണ് ഇന്നലെ രാവിലെ രേഖപ്പെടുത്തിയ താപനില. പ്രദേശത്തെ പുല്മേടുകളില് വ്യാപകമായി മഞ്ഞുവീഴ്ചയുണ്ടായി.
താപനില വീണ്ടും താഴ്ന്നതോടെ മൂന്നാറില് രാത്രിയിലും പകലും ശക്തമായ തണുപ്പാണ് അനുഭവപ്പെടുന്നത്. രാത്രി തണുപ്പ് ശക്തമാണെങ്കിലും പകല് 25 ഡിഗ്രി വരെ താപനില ഉയരും. തണുപ്പാസ്വദിക്കുന്നതിനായി നിരവധി വിനോദസഞ്ചാരികളാണ് ഇപ്പോള് മൂന്നാറിന്റെ ഉള്പ്രദേശങ്ങളിലെത്തുന്നത്. വരുംദിവസങ്ങളില് താപനില വീണ്ടും താഴുമെന്നാണ് സൂചന.
