പ്രയാഗ്രാജ്: മഹാകുംഭത്തിൽ പങ്കെടുക്കുന്ന ഭക്തരോട് ഭരണകൂടം പുറപ്പെടുവിച്ച നിർദ്ദേശങ്ങൾ പാലിക്കാൻ അഭ്യർത്ഥിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഇന്ന് പുലർച്ചെ മഹാകുംഭമേളയിൽ തിക്കിലും തിരക്കിലും പെട്ടതിന് സമാനമായ സാഹചര്യം ഉണ്ടായതിനെത്തുടർന്നാണ് അദ്ദേഹത്തിന്റെ നിർദ്ദേശം.
തന്റെ സോഷ്യൽ മീഡിയ പ്ലാറ്റ്ഫോമായ എക്സിലാണ് അദ്ദേഹം സന്ദേശം പോസ്റ്റ് ചെയ്തത്. “മഹാകുംഭം 2025, പ്രയാഗ്രാജ്, പ്രിയ ഭക്തരേ, ദയവായി നിങ്ങളുടെ അടുത്തുള്ള ഘട്ടിൽ പുണ്യസ്നാനം ചെയ്യുക, സംഗം നോസിൽ പോകാൻ ശ്രമിക്കരുത്. ഭരണകൂടം നൽകുന്ന എല്ലാ നിർദ്ദേശങ്ങളും ദയവായി പാലിക്കുകയും ക്രമസമാധാനം നിലനിർത്തുന്നതിൽ സഹകരിക്കുകയും ചെയ്യുക,”- മുഖ്യമന്ത്രി യോഗി ആദിത്യനാഥ് തന്റെ പോസ്റ്റിൽ കുറിച്ചു.
കൂടാതെ സംഘത്തിലെ എല്ലാ ഘട്ടുകളിലും കുളിക്കാനുള്ള സൗകര്യങ്ങൾ ലഭ്യമാണെന്നും അദ്ദേഹം കുറിച്ചു. കൂടാതെ കിംവദന്തികൾക്ക് ചെവികൊടുക്കരുതെന്നും അദ്ദേഹം നിർദ്ദേശിച്ചു.
അതേ സമയം സ്ഥിതി ഗുരുതരമല്ലെന്നും പരിക്കേറ്റവർക്ക് വൈദ്യചികിത്സ ലഭിക്കുന്നുണ്ടെന്നും സ്പെഷ്യൽ എക്സിക്യൂട്ടീവ് ഓഫീസർ ആകാൻക്ഷ റാണ പറഞ്ഞു. ഇന്ന് പുലർച്ചെ 1 മണിക്കും 2 മണിക്കും ഇടയിലാണ് സംഭവം നടന്നതെന്ന് ആകാൻക്ഷ റാണ പറഞ്ഞു. തിരക്ക് ഉണ്ടായ ഉടൻ തന്നെ ഭരണകൂടം വേഗത്തിൽ പ്രവർത്തിച്ചുവെന്നും പരിക്കേറ്റവർക്ക് സമീപത്തെ ആശുപത്രികളിൽ ചികിത്സ ലഭ്യമാക്കിയിട്ടുണ്ടെന്നും അദ്ദേഹം വ്യക്തമാക്കി.
കൂടാതെ പ്രധാനമന്ത്രി നരേന്ദ്ര മോദി രാവിലെ മുതൽ മൂന്ന് തവണ മുഖ്യമന്ത്രിയെ വിളിച്ചതായും ആഭ്യന്തരമന്ത്രിയും മറ്റ് നേതാക്കളും സംസ്ഥാന സർക്കാരുമായി ബന്ധപ്പെട്ടിട്ടുണ്ടെന്നും അദ്ദേഹം കൂട്ടിച്ചേർത്തു.
