ചെന്നൈ: ഐഎസ്ആർഒയുടെ നൂറാം റോക്കറ്റ് വിക്ഷേപണ വിജയത്തിനായി പ്രാർത്ഥനകൾ അർപ്പിക്കാൻ ഐ എസ് ആർ ഒ ചെയർമാൻ ഡോ. വി. നാരായണനും , സംഘവും തിരുമല തിരുപ്പതി വെങ്കിടേശ്വര ക്ഷേത്രത്തിൽ ദർശനം നടത്തി.റോക്കറ്റിന്റെ മാതൃകയും അവർ വെങ്കിടേശ്വരഭഗവാന് മുന്നിൽ സമർപ്പിച്ചു. .
പുതിയ ദൗത്യത്തിന് ഭഗവാന്റെ അനുഗ്രഹം തേടി ശാസ്ത്രജ്ഞരുടെ സംഘം പ്രത്യേക പ്രാർത്ഥനയും നടത്തി. ബഹിരാകാശത്തേക്ക് ‘ ഭാരമേറിയ റോക്കറ്റുകൾ വിക്ഷേപിക്കാൻ സഹായിക്കുന്ന ഐഎസ്ആർഒയിലെ മൂന്നാമത്തെ ലോഞ്ച് പാഡിന് 400 കോടി രൂപ അനുവദിക്കാൻ പ്രധാനമന്ത്രി തീരുമാനിച്ചതിൽ ഏറെ സന്തോഷമുണ്ട് . ഭാരമേറിയ റോക്കറ്റുകൾ ബഹിരാകാശത്തേക്ക് വിക്ഷേപിക്കാൻ പുതിയ അടിസ്ഥാന സൗകര്യങ്ങൾ സഹായിക്കുമെന്നും ‘ അദ്ദേഹം പറഞ്ഞു
അതേസമയം നൂറാം വിക്ഷേപണത്തിനായുള്ള അവസാനഘട്ട ഒരുക്കത്തിലാണ് രാജ്യത്തിന്റെ ബഹിരാകാശ സ്വപ്നങ്ങളുടെ വാതിലായ ശ്രീഹരിക്കോട്ട സതീഷ് ധവാൻ സ്പേസ് സെന്റർ. ഗതിനിർണയ ഉപഗ്രഹമായ ‘എൻവിഎസ്-02’ ജനുവരി 29ന് രാവിലെ 6.23നു ജിഎസ്എൽവിയുടെ ചിറകിലേറി പറക്കുന്നതോടെ പുതിയൊരു ചരിത്രംകൂടി രചിക്കപ്പെടും.
