തിരുവനന്തപുരം: ശാസ്ത്ര സാങ്കേതിക പരിസ്ഥിതി കൗണ്‍സില്‍ സംസ്ഥാന യുവശാസ്ത്രജ്ഞ പുരസ്‌കാരം-2024 പ്രഖ്യാപിച്ചു. നാഷണല്‍ സെന്റര്‍ ഫോര്‍ എര്‍ത്ത് സയന്‍സ് സ്റ്റഡീസിലെ ഫാക്കല്‍റ്റി ഡോ. വൃന്ദ മുകുന്ദന്‍, മലബാര്‍ ബൊട്ടാണിക്കല്‍ ഗാര്‍ഡന്‍ ആന്‍ഡ് ഇന്‍സ്റ്റിറ്റ്യൂട്ട് ഫോര്‍ പ്ലാന്റ് സയന്‍സിലെ ജൂനിയര്‍ സയന്റിസ്റ്റ് ഡോ. ഹരീഷ് വി.എസ് എന്നിവര്‍ക്കാണ് പുരസ്‌കാരം ലഭിച്ചത്. ശാസ്ത്ര സാങ്കേതിക മേഖലകളില്‍ ശ്രദ്ധേയമായ ഗവേഷണ നേട്ടങ്ങള്‍ കൈവരിച്ചതിനാണ് പുരസ്‌കാരം. 2025 ഫെബ്രുവരി 8ന് കേരള അഗ്രികള്‍ച്ചര്‍ യൂണിവേഴ്‌സിറ്റിയില്‍ നടക്കുന്ന 37-ാം കേരള സയന്‍സ് കോണ്‍ഗ്രസിന്റെ ഉദ്ഘാടന ചടങ്ങില്‍ മുഖ്യമന്ത്രി പിണറായി വിജയന്‍ പുരസ്‌കാരങ്ങള്‍ നല്‍കും. ജേതാക്കള്‍ക്ക് 50,000 രൂപയുടെ ക്യാഷ് അവാര്‍ഡും മുഖ്യമന്ത്രിയുടെ സ്വര്‍ണ്ണ മെഡലും തുടര്‍ന്ന് തിരഞ്ഞെടുക്കപ്പെടുന്ന പ്രോജക്ടുകള്‍ക്കായി 50 ലക്ഷം രൂപ വരെ ധനസഹായവും നല്‍കും. കൂടാതെ ഒരു അന്തര്‍ദേശീയ ശാസ്ത്ര സമ്മേളനത്തില്‍ പങ്കെടുക്കുന്നതിനുള്ള യാത്രാ സഹായവും ലഭിക്കും.
ഡോ. വൃന്ദ മുകുന്ദനും ഡോ. വി.എസ് ഹരീഷിനും സംസ്ഥാന യുവ ശാസ്ത്രജ്ഞ പുരസ്‌കാരം
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: