കോട്ടയം: മണര്‍കാട് നാലു മണിക്കാറ്റില്‍ ഇനി വനിതാ സംരംഭകഗ്രൂപ്പുകളുടെ ഭക്ഷണശാലകളും. കോട്ടയം ജില്ലാ പഞ്ചായത്തിന്റെ തൊഴില്‍ സംരംഭക ധനസഹായ പദ്ധതിയില്‍ ഉള്‍പ്പെടുത്തി ആറു വനിതാ തൊഴില്‍ സംരംഭകഗ്രൂപ്പുകള്‍ക്ക് നല്‍കിയ 9.90 ലക്ഷം രൂപ ധനസഹായം ഉപയോഗിച്ചാണ് ഭക്ഷണസ്റ്റാളുകള്‍ ആരംഭിച്ചത്. സംരംഭകഗ്രൂപ്പുകള്‍ക്ക് പ്രത്യേക പരിശീലനം നല്‍കിയിരുന്നു.
ഭക്ഷ്യസുരക്ഷാ വകുപ്പിന്റെ ‘ക്ലീന്‍ സ്ട്രീറ്റ് ഫുഡ് ഹബ്ബ്’ പദ്ധതി ആരംഭിക്കുന്നതിന്റെ ഭാഗമായാണ് വകുപ്പ് നിഷ്‌കര്‍ഷിച്ചിട്ടുള്ള ശുചിത്വമാനദണ്ഡങ്ങള്‍ പാലിച്ചും അടിസ്ഥാനസൗകര്യങ്ങള്‍ ഒരുക്കിയും ഭക്ഷണ സ്റ്റാളുകള്‍ ക്രമീകരിച്ചിട്ടുള്ളത്. ലോകനിലവാരമുള്ള തെരുവ് ഭക്ഷണശാലയായി നാലു മണിക്കാറ്റ് ഉയര്‍ത്തപ്പെടും. പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.വി. ബിന്ദു നിര്‍വഹിച്ചു.
പ്രതികരിക്കാൻ ഇവിടെ എഴുതുക