തിരുവനന്തപുരം: പ്രതിപക്ഷ സര്വീസ് സംഘടനകളുടെയും അധ്യാപക സംഘടനകളുടെയും പണിമുടക്കില് പങ്കെടുക്കാന് സ്കൂളിന് അവധി നല്കിയ സംഭവത്തില് പ്രഥമാധ്യാപകനെ സസ്പന്ഡ് ചെയ്തു. വട്ടിയൂര്ക്കാവ് ഗവ. എല് പി എസിന് അനധികൃതമായി അവധി നല്കിയ സംഭവത്തില് പ്രഥമാധ്യാപകനെ അന്വേഷണവിധേയമായി സസ്പെന്ഡ് ചെയ്തായി മന്ത്രി വി ശിവന്കുട്ടി അറിയിച്ചു
തിരുവനന്തപുരം വട്ടിയൂര്ക്കാവ് ഗവ എല് പി സ്കൂളിന് അവധി നല്കി അധ്യാപകര് സമരത്തിന് പോവുകയായിരുന്നു. തുടര്ന്ന് നോര്ത്ത് എഇഒ എത്തിയാണ് സ്കൂള് തുറന്നത്. അധ്യാപകരും ജീവനക്കാരും സമരത്തില് പങ്കെടുക്കുന്നതിനാല് ഇന്ന് ക്ലാസ് ഉണ്ടായിരിക്കുന്നതല്ലെന്ന് അധ്യാപകര് വാട്സാപ്പിലൂടെ കുട്ടികളെ അറിയിച്ചിരുന്നു.
ശമ്പളപരിഷ്കരണം നടത്തുക, ലീവ് സറണ്ടര് അനുവദിക്കുക, ഡിഎ കുടിശിക നല്കുക തുടങ്ങിയ ആവശ്യങ്ങള് ഉന്നയിച്ചാണ് അധ്യാപകരും ജീവനക്കാരും ബുധനാഴ്ച പണിമുടക്കിയത്. പ്രതിപക്ഷ സര്വീസ് സംഘടനകള്ക്ക് പുറമെ സിപിഐ സംഘടന ജോയിന്റ് കൗണ്സിലും പണിമുടക്കില് പങ്കെടുത്തു.
പണിമുടക്കിനെ നേരിടാന് സര്ക്കാര് ഡയസ് നോണ് പ്രഖ്യാപിച്ചിരുന്നു. പണിമുടക്ക് ദിവസത്തെ ശമ്പളം ഫെബ്രുവരി മാസത്തെ ശമ്പളത്തില് നിന്ന് കുറയ്ക്കും.
