കൊല്ലം: സുഹൃത്തിന്റെ ഭാര്യയെ വെടിവച്ച് പരിക്കേല്‍പ്പിച്ച കേസിലെ പ്രതിയായ വനിതാ ഡോക്ടറുടെ പീഡന പരാതിയില്‍ യുവതിയുടെ ഭ!ര്‍ത്താവ് പിടിയിലായി. തിരുവനന്തപുരം വഞ്ചിയൂര്‍ പൊലീസ് സ്റ്റേഷന്‍ പരിധിയിലാണ് വെടിവയ്പ് നടന്നത്.
തിരുവനന്തപുരം വള്ളക്കടവ് സ്വദേശി സുജിത്തിനെ കൊല്ലം കണ്ണനല്ലൂര്‍ പൊലീസാണ് അറസ്റ്റ് ചെയ്തത്. സുജിത്തിന്റെ ഭാര്യയെ വീട്ടില്‍ കയറി എയര്‍ഗണ്‍ കൊണ്ട് വെടിവെച്ച് പരിക്കേല്‍പ്പിച്ച സംഭവത്തിലാണ് നേരത്തേ വനിതാ ഡോക്ടര്‍ പിടിയിലായത്.
കഴിഞ്ഞവര്‍ഷം ജൂലൈയിലാണ് വനിതാ ഡോക്ടര്‍ സുജിത്തിന്റെ ഭാര്യയെ വെടിവച്ച് പരിക്കേല്‍പ്പിച്ചത്.കേസില്‍ പൊലീസ് പിടികൂടിയപ്പോഴാണ് സുജിത്തിനെതിരെ വനിതാ ഡോക്ടര്‍ പീഡന പരാതി നല്‍കിയത്.
നേരത്തേ കൊല്ലത്തെ സ്വകാര്യ ആശുപത്രിയില്‍പിആര്‍ഒ ആയിരുന്നു സുജിത്ത്. ഇതേ ആശുപത്രിയില്‍ വനിതാ ഡോക്ടറും ഇതേ കാലത്ത് ജോലി ചെയ്തിട്ടുണ്ട്. സുജിത്ത് വിവാഹ വാഗ്ദാനം നല്‍കി പീഡിപ്പിച്ചെന്ന ഡോക്ടറുടെ പരാതിയിലാണ് പൊലീസ് ഇപ്പോള്‍ യുവാവിനെ കസ്റ്റഡിയിലെടുത്തത്. വിദേശത്തായിരുന്ന സുജിത്ത് നാട്ടിലെത്തിയപ്പോഴാണ് പൊലീസ് പിടികൂടിയത്.
സുജിത്ത് താനുമായുള്ള സൗഹൃദം അവസാനിപ്പിച്ചതിലുള്ള വൈരാഗ്യമാണ് ഭാര്യയെ ആക്രമിച്ചതിന് പിന്നിലെന്നാണ് വെടിവെപ്പ് കേസില്‍ വനിതാ ഡോക്ടര്‍ പൊലീസിന് മൊഴി നല്‍കിയത്.
പ്രതികരിക്കാൻ ഇവിടെ എഴുതുക: