തിരുവനന്തപുരം:കഠിനംകുളത്ത് യുവതി കഴുത്തില് കുത്തേറ്റ് മരിച്ച നിലയില്.വെഞ്ഞാറമൂട് സ്വദേശി ആതിര (30) ആണ് കൊല്ലപ്പെട്ടത്.
ക്ഷേത്ര പൂജാരിയായ ഭര്ത്താവ് ചൊവ്വാഴ്ച രാവിലെ 11.30 യോടെ വീട്ടില് തിരിച്ചെത്തിയപ്പോഴാണ് യുവതിയുടെ മൃതദേഹം കണ്ടെത്തിയത്. വീടിന് മുന്നില് വച്ചിരുന്ന യുവതിയുടെ സ്കൂട്ടറും കാണാതായി. ഇന്സ്റ്റഗ്രാമിലൂടെ യുവതിയുമായി പരിചയത്തിലായ എറണാകുളം സ്വദേശി യുവാവിനായി പൊലീസ് അന്വേഷണം തുടങ്ങി.
രാവിലെ എട്ടരയോടെ മകനെ യുവതി സ്കൂളിലേക്ക് അയച്ചിരുന്നു. ഇതിന് ശേഷമാണ് കൊലപാതകം നടന്നത് എന്നാണ് നിഗമനം. ഇന്സ്റ്റഗ്രാം സുഹൃത്ത് രണ്ട് ദിവസം മുന്പും ഇവിടെ എത്തിയിരുന്നതായി പൊലീസിന് വിവരം ലഭിച്ചതോടെയാണ് ഇയാള്ക്കായി തിരച്ചില് ആരംഭിച്ചത്.
എന്നാല് ഇയാള്ക്ക് കൊലപാതകത്തില് പങ്കുണ്ടോയെന്ന് വ്യക്തമല്ല. മതില് ചാടി കടന്നാണ്് അക്രമി വീട്ടിനകത്തേക്ക് കയറിയതെന്നാണ് പൊലീസ് നിഗമനം. മൃതദേഹം ആശുപത്രിയിലേക്ക് മാറ്റി.
