കനേഡിയൻ പ്രധാനമന്ത്രി സ്ഥാനത്തേക്ക് മത്സരിക്കാനൊരുങ്ങി കർണാടകയിൽ ജനിച്ച ചന്ദ്ര ആര്യ : ആഗോള രാഷ്ടീയത്തിൽ വീണ്ടും ഇന്ത്യൻ താരോദയം

ഒട്ടാവ : കർണാടകയിൽ നിന്നുള്ള കനേഡിയൻ പാർലമെന്റ് അംഗം ചന്ദ്ര ആര്യ കാനഡയുടെ അടുത്ത പ്രധാനമന്ത്രിയാകാനുള്ള തന്റെ സ്ഥാനാർത്ഥിത്വം ഔദ്യോഗികമായി പ്രഖ്യാപിച്ചു. ആര്യ തന്റെ മാതൃഭാഷയായ കന്നഡയിൽ കനേഡിയൻ പാർലമെന്റിനെ അഭിസംബോധന ചെയ്തു സംസാരിക്കുകയും ചെയ്തു.

തന്റെ വേരുകളെ കുറിച്ച് സംസാരിക്കുമ്പോൾ അദ്ദേഹം ഏറെ വാചാലനായി. കർണാടകയിലെ തുംകൂർ ജില്ലയിലെ ഷിറ താലൂക്കിൽ നിന്നുള്ള ഒരാൾ കാനഡയിലെ പാർലമെന്റ് അംഗമായി തിരഞ്ഞെടുക്കപ്പെട്ടു. ഇപ്പോൾ ഈ ബഹുമാന്യ സ്ഥാപനത്തിൽ കന്നഡയിൽ സംസാരിക്കുന്നു എന്നത് ഏകദേശം 5 കോടി കന്നഡിഗർക്ക് അഭിമാനകരമായ നിമിഷമാണ് എന്ന് ആര്യ പറഞ്ഞു.

2018-ൽ കനേഡിയൻ പാർലമെന്റിൽ നടന്ന കന്നഡ രാജ്യോത്സവ ആഘോഷങ്ങൾ ഉൾപ്പെടെ കാനഡയിലെ കന്നഡ പ്രവാസികളുടെ ഊർജ്ജസ്വലമായ സാംസ്കാരിക പ്രവർത്തനങ്ങളെക്കുറിച്ച് ആര്യ ഓർമ്മിച്ചു. കർണാടകയുടെ സാഹിത്യ പാരമ്പര്യത്തെ ആദരിച്ചുകൊണ്ട് രാഷ്‌ട്രകവി കുവേമ്പുവിന്റെ വരികൾ അദ്ദേഹം ഉദ്ധരിക്കുകയും ചെയ്തു. “എല്ലാവരും ആകട്ടെ, എല്ലാവരും ആകട്ടെ, നിങ്ങൾ എപ്പോഴും കന്നഡയായിരിക്കട്ടെ” എന്ന ഹൃദയംഗമമായ വാക്കുകളോടെയാണ് അദ്ദേഹം ഉപസംഹരിച്ചത്.

തുംകൂർ ജില്ലയിലെ ഷിറ താലൂക്കിൽ ജനിച്ച ആര്യ കാനഡയിലെ ഇന്ത്യൻ പ്രവാസികൾക്കിടയിൽ ഗണ്യമായ ശ്രദ്ധ ആകർഷിച്ചിട്ടുണ്ട്. ആഗോള രാഷ്‌ട്രീയത്തിലെ ഇന്ത്യൻ വംശജരായ വ്യക്തികൾക്ക് ഒരു നാഴികക്കല്ലായി ആര്യയുടെ സ്ഥാനാർത്ഥിത്വം വാഴ്‌ത്തപ്പെടുമെന്ന് കാനഡയിലെ ഇന്ത്യൻ പ്രവാസികൾ അഭിപ്രായപ്പെട്ടു.