തിരുവനന്തപുരം: ടെക്നോപാര്ക്ക് ഫേസ് 1 കാമ്പസില് ഗ്രേഡ്-എ ഐടി ഓഫീസ് സ്പെയ്സും ഫൈവ് സ്റ്റാര് ബിസിനസ് ഹോട്ടലും വികസിപ്പിക്കുന്നതിനായി ബ്രിഗേഡ് എന്റര്പ്രൈസസ് ലിമിറ്റഡിന്റെയും ടെക്നോപാര്ക്കിന്റെയും പ്രതിനിധികള് മുഖ്യമന്ത്രി പിണറായി വിജയന്റെ സാന്നിധ്യത്തില് തിരുവനന്തപുരത്ത് ധാരണാപത്രം ഒപ്പിട്ടു.
പദ്ധതിക്കായി 4.85 ഏക്കര് സ്ഥലത്ത് ഏകദേശം 400 കോടി രൂപ നിക്ഷേപിക്കും. 1 ദശലക്ഷം ചതുരശ്ര അടിയിലധികം വിസ്തീര്ണ്ണമുള്ള ഐടി ഓഫീസ് വികസിപ്പിക്കുക എന്നതാണ് ലക്ഷ്യം. ബഹുരാഷ്ട്ര ഐടി കമ്പനികളെ തിരുവനന്തപുരത്തേക്ക് കൊണ്ടുവരാനും പതിനായിരത്തിലധികം തൊഴിലവസരങ്ങള് സൃഷ്ടിക്കാനും പദ്ധതി വഴി ലക്ഷ്യമിടുന്നു.
