തിരുവനന്തപുരം: വില്പനയില്‍ കുതിപ്പു തുടര്‍ന്ന് ക്രിസ്തുമസ് – നവവത്സര ബമ്പര്‍ ഭാഗ്യക്കുറി. മുപ്പത് ലക്ഷം ടിക്കറ്റുകളാണ് ആദ്യഘട്ടത്തില്‍ വിതരണത്തിനു നല്‍കിയിരുന്നത്. അതില്‍ ജനുവരി 03 വരെ 2073230 ടിക്കറ്റുകളും വിറ്റുപോയി. കഴിഞ്ഞ മാസം 17 നാണ് ബമ്പര്‍ ടിക്കറ്റു വില്പന തുടങ്ങിയത്.
സമ്മാനഘടനയില്‍ വരുത്തിയ മാറ്റമാണ് വില്പന കുതിച്ചുയരാന്‍ കാരണമായത് എന്നാണ് വിലയിരുത്തല്‍. 20 കോടി രൂപയാണ് ഒന്നാം സമ്മാനമായി നല്‍കുന്നത്. 20 പേര്‍ക്ക് ഒരു കോടി വീതം രണ്ടാം സമ്മാനവും നല്‍കുന്നുണ്ട്. ടിക്കറ്റു വില്പനയില്‍ നിലവില്‍ ഒന്നാം സ്ഥാനത്തുള്ളത് പാലക്കാട് ജില്ലയാണ്. 4,32,900 ടിക്കറ്റുകളാണ് പാലക്കാട് ഇതിനോടകം വിറ്റഴിച്ചത്. 2,34,430 ടിക്കറ്റുകള്‍ വിറ്റ് തിരുവനന്തപുരം ജില്ല രണ്ടാമതും 2,14,120 ടിക്കറ്റുകള്‍ വിറ്റ് തൃശൂര്‍ ജില്ല മൂന്നാം സ്ഥാനത്തുമുണ്ട്. 400 രൂപ വിലയുള്ള ക്രിസ്തുമസ് – നവവത്സര ബമ്പറിന്റെ നറുക്കെടുപ്പ് ഫെബ്രുവരി അഞ്ചിന് നടക്കും.
പ്രതികരിക്കാൻ ഇവിടെ എഴുതുക: