തിരുവനന്തപുരം: ഇതര സംസ്ഥാന തൊഴിലാളിയായ യുവതിയെ ബലാത്സംഗം ചെയ്യാന്‍ ശ്രമിച്ച പ്രതി പിടിയില്‍.കഠിനംകുളത്ത് വച്ചാണ് ഇയാള്‍ യുവതിയോട് അതിക്രമം കാട്ടിയത്.
മേനംകുളം കല്‍പ്പന കോളനിയില്‍ പുതുവല്‍ പുത്തന്‍വീട്ടില്‍ മാനുവല്‍ (41) ആണ് പൊലീസിന്റെ പിടിയിലായത്. ടെക്‌നോപാര്‍ക്കില്‍ പൂന്തോട്ടത്തിലെ തൊഴിലാളിയാണ് ഇയാള്‍. ടെക്‌നോപാര്‍ക്കില്‍ വച്ചാണ് പ്രതിയെ പൊലീസ് അറസ്റ്റ് ചെയ്തത്. രണ്ടുദിവസം മുമ്പാണ് പ്രതി യുവതിക്ക് നേരെ അതിക്രമം നടത്തിയത്
കടയില്‍ നിന്നും സാധനം വാങ്ങി വീട്ടിലേക്ക് മടങ്ങുകയായിരുന്ന യുവതിയുടെ പിന്നാലെ എത്തിയ പ്രതി വീട്ടിനുള്ളിലേക്ക് അതിക്രമിച്ച് കയറി യുവതിയെ കടന്നുപിടിക്കുകയായിരുന്നു.കടന്നുപിടിക്കുന്നതിനിടെ കുതറി ഓടിയ യുവതി നിലത്തുവീണ് കൈക്ക് ഗുരുതര പരിക്കേറ്റിരുന്നു.
യുവതിയുടെ നിലവിളി കേട്ട് ഓടിയെത്തിയ നാട്ടുകാര്‍ കാര്യം അന്വേഷിച്ചപ്പോള്‍ ജോലി ചെയ്ത ശമ്പളം വാങ്ങാന്‍ വന്നതാണെന്ന് പറഞ്ഞ് മാനുവല്‍ ബൈക്കില്‍ കയറി രക്ഷപ്പെടുകയായിരുന്നു.
തുടര്‍ന്ന് യുവതി കഠിനംകുളം പൊലീസില്‍ പരാതി നല്‍കി. ബൈക്ക് നമ്പര്‍ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ അറസ്റ്റ് ചെയ്തത്.
പ്രതികരിക്കാൻ ഇവിടെ എഴുതുക: