കൊച്ചി : പിണറായി വിജയനാണ് കപ്പിത്താനെങ്കില് വരുന്ന തിരഞ്ഞെടുപ്പില് സിപിഎം ടൈറ്റാനിക് പോലെ മുങ്ങുമെന്ന് പി.വി.അന്വര് എംഎല്എ. സ്വകാര്യ വാർത്താ ചാനലിലെ പരിപാടിയിൽ പങ്കെടുത്ത് സംസാരിക്കുകയായിരുന്നു അദ്ദേഹം.
പിണറായി വിജയന്റെ കപ്പല് ഇപ്പോള് തന്നെ മുങ്ങിക്കഴിഞ്ഞു. എല്ലാം പിടിച്ചടക്കാനുള്ള ഓട്ടത്തിലാണ് മുഖ്യമന്ത്രി. സഖാവെന്ന വിളിക്ക് യോഗ്യതയില്ല . പിണറായിയെ മാറ്റുന്നെങ്കില് ഇപ്പോള് മാറ്റണമെന്നും അന്വര് പറഞ്ഞു.
എഡിജിപി എം.ആര്. അജിത്കുമാര് ഡിജിപി ആകുമെന്ന് ഒരിക്കലും കരുതരുത്. സെന്ട്രല് ജയിലിലേക്കുള്ള അജിത്കുമാറിന്റെ പോക്ക് തടയാന് പത്ത് പിണറായിമാര് വിചാരിച്ചാലും നടക്കില്ല. എഡിജിപിക്കെതിരെ നടപടിയെടുത്താല് വിലങ്ങിന്റെ മറ്റേ അറ്റത്ത് പിണറായി വിജയനായിരിക്കുമെന്നും അന്വര് പറഞ്ഞു.
