റെഡ്ഡിയ്‌ക്ക് സെഞ്ച്വറി : സമനില പ്രതീക്ഷയില്‍ ഇന്ത്യ

മെല്‍ബണ്‍:  ആസ്‌ട്രേലിയയ്‌ക്കെതിരായ നാലാം ടെസ്റ്റില്‍ നിതീഷ് കുമാര്‍ റെഡ്ഡിയുടെ മെച്ചപ്പെട്ട പ്രകടനം ഇന്ത്യയുടെ പ്രതിരോധത്തിന് വലിയ കരുത്തായി. ടെസ്റ്റ് കരിയറിലെ നാലാം മത്സരത്തില്‍ റെഡ്ഡി ആദ്യ സെഞ്ച്വറി കുറിച്ചു. 99 റണ്‍സില്‍ നില്‍ക്കെ സ്‌കോട്ട് ബോളണ്ടിനെ ബൗണ്ടറിയിലേക്ക് അടിച്ച്  സെഞ്ച്വറി പൂര്‍ത്തിയാക്കി. 10 ഫോറും ഒരു സിക്‌സറും അടങ്ങിയ മികച്ച ഇന്നിങ്‌സായിരുന്നു..

സെഞ്ച്വറി പൂര്‍ത്തിയാക്കിയതിന് ശേഷം ബാറ്റ് ഹെല്‍മെറ്റില്‍ കുത്തിയ റിട്ട്വല്‍ നടത്തി ദൈവത്തിന് നന്ദി അര്‍പ്പിച്ചു. വാഷിങ്ടണ്‍ സുന്ദറിന്റെ മികച്ച പിന്തുണ റെഡ്ഡിക്ക് ഗുണകരമായി. സുന്ദര്‍ 50 റണ്‍സെടുത്തു മടങ്ങിയപ്പോള്‍ റെഡ്ഡിക്ക് 97 റണ്‍സുണ്ടായിരുന്നു. സുന്ദര്‍ പുറത്തായതിന് ശേഷം റെഡ്ഡി 99 വരെ എത്തി. ജസ്പ്രീത് ബുംറയെ പാറ്റ് കമ്മിന്‍സ് പുറത്താക്കിയതോടെ 99ല്‍ തന്നെ താരത്തിന്റെ ഇന്നിങ്‌സ് അവസാനിക്കുമെന്ന് തോന്നിച്ചെങ്കിലും മുഹമ്മദ് സിറാജ് മൂന്നു പന്തുകള്‍ പ്രതിരോധിച്ച് നിതീഷിന് ബൗണ്ടറി നേടാനുള്ള അവസരം നല്‍കി.

ഇന്ത്യ 358/9 എന്ന നിലയില്‍ . 105 റണ്‍സുമായി നിതീഷ് കുമാര്‍ റെഡ്ഡിയും രണ്ട് റണ്‍സുമായി മുഹമ്മദ് സിറാജുമാണ് ക്രീസില്‍. ഇന്ത്യക്കായി യശസ്വി ജയ്‌സ്വാള്‍ 82 റണ്‍സും വിരാട് കോഹ്ലി 36 റണ്‍സും ഋഷഭ് പന്ത് 28 റണ്‍സും നേടി. ഓസ്‌ട്രേലിയക്കായി പാറ്റ് കമ്മിന്‍സ്, സ്‌കോട്ട് ബോളണ്ട് എന്നിവര്‍ മൂന്നു വിക്കറ്റ് വീതം നേടി. നഥാന്‍ ലിയോണും രണ്ട് വിക്കറ്റ് സ്വന്തമാക്കി.

ഓസ്‌ട്രേലിയ 474 റണ്‍സ് നേടിയ ആദ്യ ഇന്നിങ്‌സില്‍ മികച്ച ലീഡ് നേടി. മൂന്നാം ദിനം 164/3 എന്ന നിലയില്‍ ബാറ്റിങ് ആരംഭിച്ച ഇന്ത്യക്ക് ഋഷഭ് പന്ത് (28) ഉടന്‍ പുറത്തായി. ജഡേജ (17) പുറത്തായപ്പോള്‍ 217/7 എന്ന നിലയിലേക്ക് വീണു. റെഡ്ഡിയും സുന്ദറുമാണ് ടീമിനെ മുന്നോട്ടു നയിച്ചത്.

ഒന്നാമിന്നിങ്‌സില്‍ ഇന്ത്യയ്‌ക്ക് നേരിയ പ്രതീക്ഷയായിരുന്നു. രോഹിത് ശര്‍മ (3) പെട്ടെന്ന് പുറത്തായി. ജയ്‌സ്വാള്‍ (82) കയറിയപ്പോള്‍ രാഹുലുമായി (24) മികച്ച കൂട്ടുകെട്ടുണ്ടാക്കി. കോലിയുമായുള്ള 102 റണ്‍സിന്റെ കൂട്ടുകെട്ടാണ് ഇന്ത്യയെ 300 കടത്തി. ജയ്‌സ്വാള്‍ റണ്ണൗട്ടായപ്പോള്‍ ഇന്ത്യ തിരിച്ചടിയിലായി.

116 റണ്‍സിന്റെ കുറവ് തീര്‍ക്കാനാണ് ക്രീസിലെ താരങ്ങളുടെ ശ്രമം. റെഡ്ഡിയുടെ അപ്രതീക്ഷിത സെഞ്ച്വറി ഇന്ത്യയുടെ പ്രതീക്ഷ വര്‍ദ്ധിപ്പിക്കുന്നു.