തിരുവനന്തപുരം:ബൈപ്പാസില്‍ കുമരിച്ചന്ത സിഗ്‌നലിനടുത്ത് പുതുക്കാട് റോഡില്‍ ദമ്പതിമാര്‍ സഞ്ചരിച്ചിരുന്ന കാറിന് തീ പിടിച്ചു. തീയും പുകയും ഉയരുന്നത് കണ്ട് കാര്‍ യാത്രികര്‍ വാഹനം നിര്‍ത്തി പുറത്ത് ഇറങ്ങിയതിനാല്‍ അപകടം ഒഴിവായി. വ്യാഴാഴ്ച രാത്രിയാണ് സംഭവം.
തിരുവനന്തപുരം വെള്ളായണി ക്രൈസ്റ്റി വിഹാറില്‍ മാര്‍ട്ടിന്‍, രാജേശ്വരി എന്നിവര്‍ ചാക്കയില്‍ നിന്ന് കോവളം ഭാഗത്തേക്ക് സഞ്ചരിച്ചിരുന്ന കാറാണ് കത്തിയത്.
വാഗണര്‍ കാറിന്റെ മുന്‍ഭാഗം കത്തി നശിച്ചു. നാട്ടുകാര്‍ സമീപത്തെ പെട്രോള്‍ പമ്പില്‍ നിന്ന് ഫയര്‍ എക്സ്റ്റിംഗ്യൂഷര്‍ എടുത്ത് തീ കെടുത്താന്‍ ശ്രമിച്ചെങ്കിലും തീ ആളിപ്പടര്‍ന്നു.തുടര്‍ന്ന് വിഴിഞ്ഞത്തുനിന്ന് അഗ്നിശമന സേന എത്തി തീയണച്ചു.
കാറിന്റെ ബാറ്ററിയില്‍ നിന്നുണ്ടായ ഷോര്‍ട്ട് സര്‍ക്യൂട്ടാകാം തീ പിടിത്തത്തിന് കാരണമെന്നാണ് കരുതുന്നത്. സംഭവത്തെ തുടര്‍ന്ന് ഈഞ്ചയ്‌ക്കല്‍ പരുത്തിക്കുഴി തിരുവല്ലം ബൈപ്പാസ് റോഡില്‍ ഗതാഗത കുരുക്ക് ഉണ്ടായി.
പ്രതികരിക്കാൻ ഇവിടെ എഴുതുക: