മെൽബൺ: അന്തരിച്ച മുന് പ്രധാനമന്ത്രി മന്മോഹന് സിങിന് ആദരമര്പ്പിച്ച് ഇന്ത്യന് ക്രിക്കറ്റ് ടീം. മെല്ബണ് ക്രിക്കറ്റ് ഗ്രൗണ്ടില് ഓസ്ട്രേലിയയ്ക്കെതിരായ നാലാം ടെസ്റ്റിന്റെ രണ്ടാം ദിനത്തില് ഇന്ത്യന് താരങ്ങള് ഫീല്ഡിനിറങ്ങിയത് കറുത്ത ആം ബാന്ഡ് ധരിച്ച്.
മന്മോഹന് സിങിനോടുള്ള ആദരസൂചകമായാണ് ടീമംഗങ്ങള് കറുത്ത ആം ബാന്ഡ് ധരിക്കുന്നതെന്ന് ബിസിസിഐ എക്സില് കുറിച്ചു. ശ്വാസകോശ സംബന്ധമായ അസുഖത്തെ തുടര്ന്ന് ഡല്ഹി എയിംസിലാണ് മന്മോഹന് സിങിന്റെ അന്ത്യം. രാജ്യത്ത് 7 ദിവസത്തെ ദുഃഖാചരണം പ്രഖ്യാപിചിട്ടുണ്ട്. വെള്ളിയാഴ്ച തീരുമാനിച്ച എല്ലാ സർക്കാര് പരിപാടികളും റദ്ദാക്കിയതായി കേന്ദ്ര സർക്കാർ അറിയിച്ചു.
സമ്പൂർണ ഔദ്യോഗിക ബഹുമതികളോടെയാകും മൻമോഹൻ സിങിന്റെ സംസ്കാരം. ശനിയാഴ്ചയാകും സംസ്കാരമെന്നാണ് വ്യക്തമാകുന്നത്. അമേരിക്കയിലുള്ള മകൾ എത്തിയതിനു ശേഷമായിരിക്കും സംസ്കാരം.
