കോഴിക്കോട്: ഏഴ് പതിറ്റാണ്ടിലേറെ നീണ്ട തന്റെ എഴുത്തിലൂടെ മലയാള സാഹിത്യ ലോകത്തെ അതുല്യപ്രതിഭ അന്തരിച്ച എഴുത്തുകാരനെ വീട്ടിലെത്തി അവസാനമായി കണ്ട് അന്ത്യോപചാരം അര്പ്പിച്ച് നടന് മോഹന്ലാല്. എംടിയുടെ സ്നേഹം വേണ്ടുവോളം അനുഭവിക്കാന് ഭാഗ്യമുണ്ടായെന്ന് പറഞ്ഞ തനിക്ക് ഏറ്റവും നല്ല കഥാപാത്രങ്ങള് തന്ന വ്യക്തിയാണ് എംടി വാസുദേവന് നായരെന്നും അനുസ്മരിച്ചു.
ഒരുപാട് തവണ പരസ്പരം കാണുന്നില്ലെങ്കിലും തമ്മില് നല്ല സ്നേഹ ബന്ധമുണ്ടായിരുന്നു. തമ്മില് വൈകാരികമായ അടുപ്പം ഉണ്ടായിരുന്നു. ഓളവും തീരവുമാണ് അവസാന ചിത്രം. സംവിധായകൻ ടി കെ രാജീവ് കുമാറിനൊപ്പമാണ് അദ്ദേഹം സിത്താരയിലെത്തിയത്. തന്റെ സംസ്കൃത നാടകങ്ങൾ കാണാൻ അദ്ദേഹം മുംബൈയിൽ എത്തിയിരുന്നു. ഇന്ത്യ കണ്ട മികച്ച എഴുത്തുകാരനെയാണ് നഷ്ടമായതെന്നും മോഹന്ലാല് അനുസ്മരിച്ചു.
അതേസമയം, ഇന്ന് വൈകിട്ട് വരെ വീട്ടില് പൊതുദര്ശനത്തിന് വെക്കുന്ന മൃതദേഹം വൈകിട്ട് അഞ്ചിന് മാവൂര് റോഡ് ശ്മശാനത്തില് സംസ്കരിക്കും. തന്റെ മരണാന്തര ചടങ്ങുകള് എങ്ങിനെയായിരിക്കണം എന്ന് എം ടി നേരത്തെ കുടുംബാംഗങ്ങള്ക്ക് നിര്ദ്ദേശം നല്കിയിരുന്നു. കോഴിക്കോട്ടെ ബേബി മെമ്മോറിയല് ആശുപത്രിയില് ചികിത്സയിലിരിക്കെ ഇന്നലെ രാത്രി 10 മണിയോടെയാണ് അദ്ദേഹം അന്തരിച്ചത്.
