കോട്ടയം: ഇടതുമുന്നണിയില് താനാണ് വല്ല്യേട്ടന് എന്ന് ആവര്ത്തിച്ച് സ്ഥാപിക്കുകയാണ് മുഖ്യമന്ത്രി പിണറായി വിജയന്. പ്രകടമാകുന്നത് ഘടകകക്ഷിയുടെ പോലും മന്ത്രി ആരാകണമെന്ന് താന് തീരുമാനിക്കും എന്ന ധാര്ഷ്ട്യം. എന്സിപിക്ക് മന്ത്രിസ്ഥാനം നല്കിയപ്പോള് മന്ത്രിയെ നിശ്ചയിക്കേണ്ടത് ആ പാര്ട്ടിയാണ് . എന്നാല് മന്ത്രിയായി ശശീന്ദ്രന് മതിയെന്ന് മുഖ്യമന്ത്രി സ്വയം നിശ്ചയിച്ചു. സ്വന്തം മന്ത്രിയെ നിശ്ചയിക്കാന് പോലുമുള്ള അധികാരം ഇല്ലാത്തവരായി ഇടതുമുന്നണിയിലെ ഘടകകക്ഷികള് ചുരുങ്ങി.
തോമസ് കെ തോമസിനെ മന്ത്രിയാക്കില്ലെന്ന് ശഠിക്കുകയും ശശിധരനെ ഒപ്പം നിര്ത്തുകയും ചെയ്യുന്നതുവഴി എന്സിപിയെ പിളര്ത്താനുള്ള ശ്രമമാണ് മുഖ്യമന്ത്രി നടത്തുന്നതെന്നും ആക്ഷേപമുണ്ട്. തനിക്ക് ഇഷ്ടമുള്ളവരെ മാത്രമേ മന്ത്രിയാക്കാന് കഴിയൂ എന്ന് സിപിഐക്കും കേരള കോണ്ഗ്രസ് മാണി വിഭാഗത്തിനും അടക്കമുള്ള മുന്നറിയിപ്പാണിത്. ഘടകകക്ഷികളുടെ ആത്മാഭിമാനം അപ്രസക്തമാണ് .തന്റെ തീരുമാനമാണ് അന്തിമം എന്ന പ്രഖ്യാപനമാണ് മുഖ്യമന്ത്രി നടത്തുന്നത്. എന്സിപി യിലെ മന്ത്രിമാറ്റം സംബന്ധിച്ച വിഷയം ആ പാര്ട്ടിയില് കടുത്ത ആഭ്യന്തര പ്രശ്നമായി ഉയര്ന്നുവരികയാണ്.എന്സിപി ദേശീയ അധ്യക്ഷന് ശരത് പവാര് സിപി എം ദേശീയ നേതാവ് പ്രകാശ് കാരാട്ടുമായി വിഷയം സംസാരിച്ചിട്ടും മുഖ്യമന്ത്രി പിണറായി വിജയന് വാഴങ്ങിയില്ല. ഇക്കാര്യത്തില് കേന്ദ്ര നേതൃത്വo ഇടപെടേണ്ടതില്ലെന്നും കാരാട്ടിനോട് പിണറായി വ്യക്തമാക്കിയതായാണ് അറിയുന്നത്.
