തിരുവനന്തപുരം: അങ്കമാലി എരുമേലി ശബരി റെയില് പദ്ധതിക്കായി റിസര്വ് ബാങ്കുമായി ചേര്ന്നുള്ള ത്രികക്ഷി കരാറിനില്ലെന്ന് മുഖ്യമന്ത്രി പിണറായി വിജയന്. എന്നാല് പദ്ധതി രണ്ട് ഘട്ടമായി നടപ്പാക്കാനാണ് ലക്ഷ്യമിടുന്നതെന്ന് അദ്ദേഹം പറഞ്ഞു. മുഖ്യമന്ത്രിയുടാ അധ്യക്ഷതയില് ചേര്ന്ന ഉന്നതതല യോഗത്തില് ഇതുസംബന്ധിച്ച തീരുമാനം എടുത്തു.
പദ്ധതിക്ക് അനുമതി ലഭ്യമാക്കാന് കേന്ദ്രസര്ക്കാരിനോട് അഭ്യര്ത്ഥിക്കും. ആദ്യഘട്ടത്തില് അങ്കമാലി എരുമേലി നിലക്കല് പാത പൂര്ത്തീകരിക്കും. നിര്മാണ ചെലവിന്റെ 50 ശതമാനം തുക കിഫ്ബി വഹിക്കുമെന്നും മുഖ്യമന്ത്രി പറഞ്ഞു. നിലവില് സിംഗിള് ലൈനുമായി മുന്നോട്ട് പോകും. വികസനഘട്ടത്തില് പാത ഇരട്ടിപ്പിക്കല് പരിഗണിക്കും. പദ്ധതിയ്ക്കായി 8 കിലോമീറ്ററോളം സ്ഥലമെടുപ്പ് പൂര്ത്തിയായെന്നും മുഖ്യമന്ത്രി പറഞ്ഞു.
