തിരുവനന്തപുരം: കേരള സര്‍വകലാ ആസ്ഥാനത്ത് ഗവര്‍ണര്‍ ആരീഫ് മുഹമ്മദ് ഖാന്‍ കാലുകുത്തുന്നത് തടയാനുളള ഇടുതു പക്ഷ സംഘടനകളുടെ മോഹം പൊലിഞ്ഞു. സെനറ്റ് ഹാളിലെ തിങ്ങി നിറഞ്ഞ സദസ്സിനെ സാക്ഷിനിര്‍ത്തി ഗവര്‍ണര്‍ അന്താരാഷ്ട സംസ്‌കൃത സെമിനാര്‍ ഉദ്ഘാടനം ചെയ്ത് മടങ്ങി.
സംസ്‌കൃത വകുപ്പിന്റെ നേതൃത്വത്തില്‍ നടക്കുന്ന സെമിനാര്‍ ഉദ്ഘാടനം ചെയ്യാന്‍ ചാന്‍സലര്‍കൂടിയായ ഗവര്‍ണര്‍ വരുന്നതിന് തുടക്കം മുതല്‍ ഇടതു കക്ഷികള്‍ എതിരായിരുന്നു. ചെറിയ പരിപാടിയാണ്, ഗവര്‍ണര്‍ വരേണ്ടതില്ല, 50 ല്‍ താഴെ പേരെ മാത്രമേ പങ്കെടുപ്പിക്കാനാകൂ എന്നൊക്കെ പറഞ്ഞ് ഇടതു സിന്‍ഡിക്കേറ്റ് അംഗങ്ങള്‍ ഇടങ്കോലിട്ടു. ഗവര്‍ണറുടെ പ്രിതിനിധികളായി സെനറ്റിലെത്തി സിന്‍ഡിക്കേറ്റ് അംഗങ്ങളായ രണ്ടുപേര്‍ ഗവര്‍ണര്‍ പങ്കെടുക്കുന്ന പരിപാടി നടത്തണമെന്നും ആളുകളെ എത്തിക്കുന്ന ചുമതല ഏറ്റെടുക്കാമെന്നും അറിയിച്ചു. തുടര്‍ന്ന് വൈസ് ചാന്‍സലര്‍ പരിപാടി നടത്താന്‍ പച്ചക്കൊടി നല്‍കി. ഇതിനായി പ്രത്യേക യോഗം വിളിച്ചപ്പോള്‍ ഇടത് സിന്‍ഡിക്കേറ്റ് അംഗങ്ങള്‍ ഒറ്റക്കെട്ടായി ബഹിഷ്‌ക്കരിച്ചു. കോണ്‍ഗ്രസിന്റെ ഏക അംഗം യോഗത്തില്‍ പങ്കെടുത്തെങ്കിലും നിലപാടൊന്നും പറഞ്ഞില്ല.
ഗവര്‍ണര്‍ എത്തുമ്പോള്‍ തടയുമെന്ന തരത്തില്‍ പ്രചാരണം ഉണ്ടായിരുന്നു. വലിയ പോലീസ് സന്നാഹവും തയ്യാറായിരുന്നു. എന്നാല്‍ ഗവര്‍ണര്‍ എത്തി സെനറ്റ് ഹാളില്‍ കയറി പരിപാടി തുടങ്ങിയിട്ടും ഒരു തരത്തിലുമുള്ള പ്രതിഷേധവും ഉണ്ടായില്ല. അതേ സമയം സെനറ്റ് ഹാല്‍ തിങ്ങി നിറഞ്ഞ് ആളുകളും എത്തി.
പരിപാടി ആരംഭിച്ച് കുറച്ചു സമയത്തിനുശേഷം സര്‍വകലാശാലയിലേക്ക് അതിക്രമിച്ച് കടന്ന പ്രതിഷേധക്കാര്‍ സെമിനാര്‍ നടക്കുന്ന ഹാളിന് പുറത്ത് പ്രതിഷേധിച്ചു.സുരക്ഷയൊരുക്കിയിട്ടുണ്ടെന്ന് അവകാശപ്പെട്ട പോലീസിന്റെ സഹായത്തോടെയാണ് എസ് എഫ് ഐക്കാര്‍ സര്‍വകലാശാല ആസ്ഥാനത്തെ ഗേറ്റ് ചാടികടന്ന് പരിപാടി നടക്കുന്ന ഹാളിന് സമീപത്തേയ്‌ക്ക് എത്തിയത്. ഈ സമയം സെനറ്റ് ഹാളിന്റെ വാതിലുകളും ജനലുകളും പോലീസ് അടച്ചു. രണ്ട് പ്രാവശ്യം പോലീസ് ജലപീരങ്കി പ്രയോഗിച്ചെങ്കിലും പ്രതിഷേധക്കാരെ സഹായിക്കുന്ന നിലപാടാണ് പോലീസ് സ്വീകരിച്ചത്.യൂണിവേഴ്‌സിറ്റി കോളേജില്‍ നിന്നും പ്രകടനമായാണ് എസ് എഫ് ഐ പ്രവര്‍ത്തകരെത്തിയത്. ഗവര്‍ണര്‍ അധികാരദുര്‍വിനിയോഗം നടത്തുന്നു, മതിയായ യോഗ്യതയില്ലാത്തയാളെ സ്വന്തം നിലയില്‍ വിസിയായി നിയമിച്ചു തുടങ്ങിയ ആരോപണങ്ങളാണ് ഗവര്‍ണര്‍ക്കെതിരെ എസ്എഫ്‌ഐ ഉയര്‍ത്തുന്നത്. അകത്തും പുറത്തും പ്രതിഷേധം ഉണ്ടാകുമെന്ന് പറയുന്നുണ്ടായിരുന്നെങ്കിലും പുറത്ത് നടക്കുന്ന ബഹളം അകത്ത് അറിഞ്ഞതുമില്ല. അകത്ത് ചെറു പ്രതിഷേധസ്വരം പോലും ഉയര്‍ന്നതുമില്ല
പ്രതികരിക്കാൻ ഇവിടെ എഴുതുക: