തിരുവനന്തപുരം: മുഴുവന് മുന്ഗണനാ കാര്ഡ് അംഗങ്ങളുടെയും മസ്റ്ററിംഗ് ചെയ്യുന്നതിനായി ഇ-കെവൈസി അപ്ഡേഷന് സമയപരിധി ഡിസംബര് 31 വരെ ദീര്ഘിപ്പിച്ചതായി ഭക്ഷ്യ പൊതുവിതരണ വകുപ്പ് മന്ത്രി ജി.ആര്. അനില് അറിയിച്ചു. ഇ-കെവൈസി അപ്ഡേഷന് സെപ്റ്റംബര് ആദ്യവാരമാണ് ആരംഭിച്ചത്. ഡിസംബര് 16 വരെ സംസ്ഥാനത്തെ 88.41 ശതമാനം മുന്ഗണനാ കാര്ഡ് (എ.എ.വൈ, പി.എച്ച്.എച്ച്) അംഗങ്ങള് മസ്റ്ററിംഗ് നടപടികള് പൂര്ത്തീകരിച്ചു. സ്മാര്ട്ട്ഫോണ് വഴി മസ്റ്ററിംഗ് നടത്തുന്ന ഫേസ് ആപ്പിലൂടെ 1,20,904 റേഷന് കാര്ഡ് അംഗങ്ങള് മസ്റ്ററിംഗ് ചെയ്തിട്ടുണ്ട്. അപ്ഡേഷന് ചെയ്യാന് സാധിക്കാത്ത കിടപ്പ് രോഗികള്, കുട്ടികള്, ഇ-പോസില് വിരലടയാളം പതിയാത്തവര് എന്നിവര്ക്ക് ഐറിസ് സ്കാനറിന്റെ സഹായത്തോടെയുള്ള പൊതുവിതരണ വകുപ്പ് ഉദ്യോഗസ്ഥറുടെ നേതൃത്വത്തില് താലൂക്കുകളില് ക്യാമ്പുകള് സംഘടിപ്പിച്ച് ഇ-കെവൈസി അപ്ഡേഷന് നടത്തി വരുന്നു. മുന്ഗണനാ കാര്ഡ് അംഗങ്ങളുടെ ഇ-കെവൈസി അപ്ഡേഷന് 100 ശതമാനവും പൂര്ത്തീകരിക്കാനാണ് സര്ക്കാര് ലക്ഷ്യമിടുന്നത്.
മുന്ഗണനാ റേഷന്കാര്ഡ് അംഗങ്ങളുടെ ഇ-കെവൈസി അപ്ഡേഷന് : സമയപരിധി ഡിസംബര് 31 വരെ നീട്ടി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.