ആലപ്പുഴ: ചകിരി മില്ലില് നിന്ന് മാലിന്യം തള്ളുന്നതിനെതിരെ പ്രതികരിച്ച വ്യക്തിയെ അറസ്റ്റ് ചെയ്ത് ചൊറിയണം തേച്ച ശേഷം മര്ദിച്ചെന്ന പരാതിയില് ആലപ്പുഴ ഡിവൈഎസ്പി മധുബാബുവിന് ശിക്ഷ വിധിച്ച് കോടതി.ഒരു മാസം തടവും 1000 രൂപ പിഴയുമാണ് ശിക്ഷ.
ചേര്ത്തല ജുഡീഷ്യല് ഒന്നാം ക്ലാസ് മജിസ്രേറ്റ് കോടതിയാണ് ശിക്ഷ വിധിച്ചത്. 2006 ആഗസ്റ്റ് അഞ്ചിനുണ്ടായ സംഭവത്തില് 18 വര്ഷത്തിനു ശേഷമാണ് വിധി വന്നത്. മധുബാബു ചേര്ത്തല എസ്ഐ ആയിരിക്കെയാണ് കേസിനാധാരമായ സംഭവം .
പള്ളിപ്പുറം സ്വദേശി സിദ്ധാര്ത്ഥനാണ് പരാതി നല്കിയത്. ചകിരിമില്ലിലെ മാലിന്യത്തിനെതിരെ പ്രതികരിച്ചതിന് മില്ലുടമയും കൂട്ടരും സിദ്ധാര്ത്ഥനെ മര്ദിച്ചു. പിന്നാലെ അന്ന് ചേര്ത്തല എസ് ഐ ആയിരുന്ന മധുബാബു സിദ്ധാര്ത്ഥനെ അറസ്റ്റ് ചെയ്ത് ജീപ്പിനുള്ളില് വച്ച് തുണി അഴിച്ച് ചൊറിയണം തേയ്ക്കുകയും മര്ദ്ദിക്കുകയും ചെയ്തെന്നായിരുന്നു പരാതി.
സര്വീസില് നിന്നും വിരമിച്ച എഎസ്ഐ ആയിരുന്ന മോഹനനെയും കോടതി ശിക്ഷിച്ചു. വിധിക്കെതിരെ അപ്പീല് നല്കിയ ഡിവൈഎസ്പി മധുബാബുവിന് കോടതി ജാമ്യം നല്കി.
