പത്തനംതിട്ട : അടൂര് ഏനാത്ത് 17 വയസുകാരി അമ്മയായ സംഭവത്തില് 21കാരന് അറസ്റ്റില്.പെണ്കുട്ടിക്ക് ഒപ്പം താമസിച്ചിരുന്ന ആദിത്യനെയാണ് ഏനാത്ത് പൊലീസ് പോക്സോ കേസ് ചുമത്തി അറസ്റ്റ് ചെയ്തത്.കുഞ്ഞിന് എട്ട് മാസം പ്രായമുണ്ട്.
പെണ്കുട്ടിയുടെ അമ്മയും കേസില് പ്രതിയാകുമെന്നാണ് സൂചന. നിലവില് പെണ്കുട്ടിക്കും കുഞ്ഞിനും ആരോഗ്യ പ്രശ്നങ്ങളൊന്നുമില്ല..
ഇരുവരേയും മഹിളാ മന്ദിരത്തിലേക്ക് മാറ്റാനാണ് സാധ്യത. കുടുംബത്തിലെ അസ്വാരസ്യങ്ങളെ തുടര്ന്ന് ബന്ധുവാണ് പരാതി നല്കിയത്.
പെണ്കുട്ടിയും ആദിത്യനും ഒരുമിച്ച് താമസിക്കുന്നത് പെണ്കുട്ടിയുടെ അമ്മയ്ക്കും കുടുംബാംഗങ്ങള്ക്കും അറിയാമായിരുന്നെന്ന് പൊലീസ് വെളിപ്പെടുത്തി. പൊലീസ് അന്വേഷണത്തില് അമ്മയ്ക്ക് തുടക്കം മുതലുള്ള കാര്യങ്ങളെ കുറിച്ച് അറിവുണ്ടെന്നാണ് വ്യക്തമായത്. കുടുംബാംഗങ്ങളുടെ സമ്മതത്തോടെയുള്ള ബന്ധമായിരുന്നു ഇരുവരുടേതെന്നുമാണ് പൊലീസ് പറയുന്നത്.
