തിരുവനന്തപുരം : ശിശുക്ഷേമ സമിതിയില്‍ രണ്ടര വയസുള്ള പെണ്‍കുഞ്ഞിനോട് ക്രൂരത കാട്ടിയ മൂന്ന് ആയമാരെ പൊലീസ് അറസ്റ്റ് ചെയ്തു.കിടക്കയില്‍ മൂത്രമൊഴിച്ചതിന് കുഞ്ഞിന്റെ ജനനേന്ദ്രിയത്തില്‍ ആയമാര്‍ മുറിവേല്‍പ്പിക്കുകയായിരുന്നു.
അജിത, മഹേശ്വരി, സിന്ധു എന്നിവരാണ് അറസ്റ്റിലായത്. ഇവര്‍ക്കെതിരെ പോക്‌സോ വകുപ്പും ചുമത്തിയിട്ടുണ്ട്. സംഭവത്തെ തുടര്‍ന്ന് ഇവരെ ഉള്‍പ്പെടെ കഴിഞ്ഞ ആഴ്ച ഡ്യൂട്ടിയിലുണ്ടായിരുനന്ന ഏഴ് താത്കാലിക ജീവനക്കാരെപിരിച്ചു വിട്ടു.
ശിശുക്ഷേമ സമിതി ജനറല്‍ സെക്രട്ടറി നല്‍കിയ പരാതിയിലാണ് പൊലീസ് നടപടി. കുഞ്ഞിനെ ഉപദ്രവിച്ചതിനും ഈ വിവരം മറച്ചുവച്ചതിനുമാണ് കേസെടുത്തിരിക്കുന്നത്.
രണ്ട് ദിവസം മുമ്പാണ് കുഞ്ഞിന് പരിക്കേറ്റതെന്നാണ് സൂചന. കഴിഞ്ഞ ദിവസം കുഞ്ഞിനെ മറ്റൊരു ആയ കുളിപ്പിച്ചപ്പോള്‍ കുഞ്ഞ് നിലവിളിച്ചതോടെയാണ് സംഭവം പുറത്തറിയുന്നത്. സംശയം തോന്നിയ ജീവനക്കാര്‍ ഉടന്‍ തന്നെ ശിശുക്ഷേമ സമിതി ജനറല്‍ സെക്രട്ടറിയെ വിവരമറിയിച്ചു. ഉടന്‍ തന്നെ കുഞ്ഞിനെ തൈക്കാടുള്ള സ്ത്രീകളുടേയും കുട്ടികളുടേയും ആശുപത്രിയില്‍ എത്തിച്ച് നടത്തിയ പരിശോധനയിലാണ് കുഞ്ഞിന്റെ ജനനേന്ദ്രിയത്തില്‍ ഗുരുതര പരിക്കുണ്ടെന്ന് മനസിലാക്കിയത്. ജനറല്‍ സെക്രട്ടറി വിഷയത്തില്‍ പ്രാഥമിക അന്വേഷണം നടത്തി കുറ്റക്കാരെ കണ്ടെത്തി. ഉടന്‍ തന്നെ പൊലീസിലും വിവരമറിയിക്കുകയായിരുന്നു.
അറസ്റ്റിലായ മൂന്ന് ആയമാരും താത്ക്കാലിക ജീവനക്കാരാണ്. ഏറെ വര്‍ഷങ്ങളായി ഇവിടെ ജോലി ചെയ്തുവരുന്നവരാണ് ഇവര്‍. നൂറില്‍ പരം കുട്ടികളാണ് ശിശുക്ഷേമ സമിതിയില്‍ കഴിഞ്ഞു വരുന്നത്.
പ്രതികരിക്കാൻ ഇവിടെ എഴുതുക: