മാളികപ്പുറത്തിലൂടെ പ്രേക്ഷക ഹൃദയത്തിലിടം നേടിയ താരമാണ് ദേവനന്ദ. ചിത്രത്തില്‍ കല്ലുവെന്ന കല്യാണിയായി തിളങ്ങിയ ദേവനന്ദയും ഒപ്പം മലയാളി പ്രേക്ഷകരുടെ ഹൃദയം കവർന്നിരുന്നു.അയ്യപ്പനെ കാണാൻ ഏറെ ആഗ്രഹിക്കുകയും, തുടർന്ന് ശബരിമലയിലെത്താൻ കല്ലു നടത്തിയ സാഹസത്തിന്റെയും കഥയാണ് ചിത്രം പറയുന്നത്.
മാളികപ്പുറത്തിൽ അഭിനയിക്കുന്നതിനുവേണ്ടിയാണ് ആദ്യമായി ശബരിമലയിൽ പോയതെന്നും വ്രതം നോക്കി മല കയറി അയ്യപ്പനെ കണ്ടെന്നുമൊക്കെ ദേവനന്ദ മുമ്പ് പറഞ്ഞിരുന്നു. സിനിമ പുറത്തിറങ്ങിയതിന് ശേഷം സ്വന്തം വീട്ടിലെ കുട്ടിയെപ്പോലെയാണ് പലരും ദേവനന്ദയെ കാണുന്നത്.
കുഞ്ഞുതാരത്തിന്റെ ഒരു വീ‌ഡിയോയാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. ഒരു പരിപാടി കഴിഞ്ഞ് ദേവനന്ദ നടന്നുവരികയാണ്. ഈ സമയം മുന്നിലെത്തിയ വയോധികൻ കുട്ടിയുടെ കാല് തൊട്ടുവന്ദിക്കുന്നതാണ് വീഡിയോയിലുള്ളത്.വീഡിയോ വളരെപ്പെട്ടെന്ന് തന്നെ സോഷ്യൽ മീഡിയയിൽ ചർച്ചയാകുകയും ചെയ്തു. സിനിമാ താരമായിട്ടല്ല മാളികപ്പുറമായിട്ടാണ് ദേവനന്ദയെ ആ മനുഷ്യൻ കണ്ടതെന്നും അതിനാലാണ് കാലുതൊട്ട് വന്ദിച്ചതെന്നുമാണ് ചിലർ കമന്റ് ചെയ്‌തിരിക്കുന്നത്.
പ്രതികരിക്കാൻ ഇവിടെ എഴുതുക