കുട്ടികള്‍ക്ക് റിസ്റ്റ് ബാന്‍ഡ് നല്‍കുന്നു
സന്നിധാനം: തിരക്കില്‍ ഒറ്റപ്പെട്ടു പോകുന്ന കുട്ടികളെ കണ്ടെത്താന്‍ റിസ്റ്റ് ബാന്‍ഡുമായി പോലീസ്. പമ്പ ഗണപതി കോവിലിന് സമീപമാണ് ഈ സൗകര്യം ഒരുക്കിയത്.
പേര്, സ്ഥലം, കൂടെയുള്ള ആളുടെ ഫോണ്‍ നമ്പര്‍ എന്നിവ രേഖപ്പെടുത്തിയ ബാന്‍ഡ് കയ്യില്‍ ധരിപ്പിച്ചാണ് കുട്ടികളെ സന്നിധാനത്തേക്ക് കയറ്റിവിടുന്നത്. ഇത് കൂട്ടംതെറ്റുന്നവരെ കണ്ടെത്താന്‍ ഏറെ സഹായകമാണ്.
കുട്ടികള്‍, വയോധികര്‍, തീവ്രഭിന്നശേഷിക്കാര്‍ എന്നിവര്‍ക്ക് പമ്പ മുതല്‍ പോലീസ് പ്രത്യേക ശ്രദ്ധ നല്കുന്നുണ്ട്. പമ്പയില്‍ വനിതാ പോലീസിന്റെ നേതൃത്വത്തിലാണ് ഈ പ്രവര്‍ത്തനങ്ങള്‍. പ്രതിദിനം കുട്ടികളടക്കം അയ്യായിരത്തോളം പേര്‍ക്ക് കൈയില്‍ ബാന്‍ഡ് ധരിപ്പിക്കുന്നുണ്ട്. ഇതര സംസ്ഥാന തീര്‍ത്ഥാടകര്‍ക്കാണ് ഈ സേവനം ഏറെ സഹായകമാകു
ന്നത്.
പ്രതികരിക്കാൻ ഇവിടെ എഴുതുക