പാലക്കാട് : കോണ്‍ഗ്രസ് നടത്തിയ തെരഞ്ഞെുപ്പ് പ്രചാരണവേളയില്‍ കോണ്‍ഗ്രസ് നേതാവ് ഷാഫി പറമ്പിലിന്റെ മുഖത്തെ വിയര്‍പ്പ് ടവ്വല്‍ കൊണ്ട് തുടച്ചുകൊടുത്ത് സന്ദീപ് വാര്യര്‍. തുറന്ന ജീപ്പില്‍ വിജയിച്ച കോണ്‍ഗ്രസ് സ്ഥാനാര്‍ത്ഥി രാഹുല്‍ മാങ്കൂട്ടത്തിലിനൊപ്പം സന്ദീപ് വാര്യരും യാത്ര ചെയ്തിരുന്നു. ഷാഫി പറമ്പിലിനോടുള്ള സന്ദീപ് വാര്യരുടെ സ്നേഹപ്രകടനം കണ്ട് ആശ്ചര്യത്തോടെ നോക്കുന്ന രാഹുല്‍ മാങ്കൂട്ടത്തിലിനെയും വീഡിയോയില്‍ കാണാം.
എല്ലാ കോണ്‍ഗ്രസ് നേതാക്കളും തള്ളിക്കയറിയതിനാല്‍ ജീപ്പില്‍ നല്ല തിരക്കായിരുന്നു. എന്നാല്‍ പാലക്കാട് ആയതിനാല്‍ ജീപ്പിലെ മുന്‍നിരയില്‍ സന്ദീപ് വാര്യര്‍ക്ക് ഒരു ഇടം നല്‍കാന്‍ കോണ്‍ഗ്രസ് മറന്നില്ല.
നല്ല വെയിലായതിനാലും എസി ഇല്ലാത്തതിനാലും ഷാഫി പറമ്പിലിന്റെ മുഖം വിയര്‍ത്തുകൊണ്ടിരുന്നു. ഇത് കണ്ട് സഹിക്കാതെ കയ്യിലിരുന്ന ടവ്വല്‍ കൊണ്ട് വിയര്‍പ്പു തുടച്ചുകൊടുക്കുന്ന സന്ദീപ് വാര്യരുടെ വീഡിയോ ഇപ്പോള്‍ സമൂഹമാധ്യമങ്ങളില്‍ വൈറലാണ്. ഷാഫി പറമ്പിലിനോടുള്ള സന്ദീപ് വാര്യരുടെ സ്നേഹപ്രകടനം കണ്ട് ആശ്ചര്യത്തോടെ നോക്കുന്ന രാഹുല്‍ മാങ്കൂട്ടത്തിലിനെയും വീഡിയോയില്‍ കാണാം.
ഇടയ്‌ക്കൊക്കെ വിദ്വേഷവും വെറുപ്പും മാറ്റിവെച്ച് മനുഷ്യരെപ്പോലെ ഒന്നു പുറത്തിറങ്ങിനോക്കിയാല്‍ ഇത്തരം ചില സുന്ദര അനുഭവങ്ങള്‍ നിങ്ങളുടെ ജീവിതത്തിലും ഉണ്ടാകുമെന്നായിരുന്നു വിമര്‍ശിച്ച ബിജെപിക്കാരോടുള്ള സന്ദീപ് വാര്യരുടെ പ്രതികരണം.
പ്രതികരിക്കാൻ ഇവിടെ എഴുതുക: