കോട്ടയം: ഉഴവൂര്‍ ബ്ളോക്കിലെ കോഴായില്‍ കുടുംബശ്രീയുടെ പ്രീമിയം കഫേ വരുന്നു. കോട്ടയം ജില്ലയില്‍ കുടുംബശ്രീയുടെ ആദ്യ പ്രീമിയം കഫേയാണ് കോഴായില്‍ എം.സി. റോഡരികില്‍ ഉള്ള ഉഴവൂര്‍ ബ്ളോക്ക് പഞ്ചായത്തിന്റെ ഉടമസ്ഥതയിലുള്ള ബ്ളോക്ക് പഞ്ചായത്ത് ആസ്ഥാനത്തോടു ചേര്‍ന്ന കെ.എം. മാണി തണല്‍ വിശ്രമ കേന്ദ്രത്തിന്റെ കെട്ടിടത്തില്‍ തുടങ്ങുന്നത്. ഡിസംബര്‍ അവസാനത്തോടെ നിര്‍മാണം പൂര്‍ത്തിയാക്കി ഉദ്ഘാടനത്തിനു സജ്ജമാക്കാനാണ് നീക്കം. നൂറോളം കുടുംബശ്രീ അംഗങ്ങള്‍ക്കു തൊഴിലും വരുമാനവും ലഭ്യമാക്കുന്നതാണ് പദ്ധതി.
അടിസ്ഥാന സൗകര്യങ്ങള്‍, ശുചിത്വം, മാലിന്യ സംസ്‌കരണം, പാഴ്സല്‍ സര്‍വീസ്, കാറ്ററിങ്ങ്, ഓണ്‍ലൈന്‍ സേവനങ്ങള്‍, അംഗപരിമിതര്‍ക്കുള്ള സൗകര്യങ്ങള്‍, ശൗചാലയങ്ങള്‍, പാര്‍ക്കിങ്ങ് തുടങ്ങി എല്ലാ മേഖലയിലും മുന്തിയ റെസ്റ്റോറന്റുകള്‍ക്കു തുല്യമായ സൗകര്യങ്ങള്‍ ഒരുക്കിയാണ് കുടുംബശ്രീ പ്രീമിയം കഫേകള്‍ പ്രവര്‍ത്തിക്കുന്നത്. പ്രത്യേക ലോഗോയും ഏകീകൃത രൂപകല്‍പന ചെയ്ത മന്ദിരങ്ങളും ജീവനക്കാരുടെ യൂണിഫോമും അടക്കം ഒരേ മുഖച്ഛായയോടെയാണ് പ്രീമിയം കഫേകള്‍ തുറക്കുന്നത്. നിലില്‍ കണ്ണൂര്‍, തൃശൂര്‍, എറണാകുളം, പത്തനംതിട്ട ജില്ലകളില്‍ കുടുംബശ്രീ പ്രീമിയം കഫേകള്‍ ആരംഭിച്ചിട്ടുണ്ട്.
കോട്ടയം ജില്ലയില്‍ കുടുംബശ്രീയുടെ ആദ്യ പ്രീമിയം കഫേ കോഴായില്‍ ഡിസംബര്‍ അവസാനത്തോടെ തുറക്കും
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
പ്രതികരിക്കാൻ ഇവിടെ എഴുതുക: