കൊല്ലം: കെഎസ്ആര്‍ടിസി ഫാസ്റ്റ് പാസഞ്ചര്‍ ബസും മണ്ണുമാന്തി യന്ത്രവും കൂട്ടിയിടിച്ച് ഏഴ് പേര്‍ക്ക് പരിക്ക്. ആരുടെയും പരിക്ക് സാരമുള്ളതല്ല. പാരിപ്പള്ളി കല്ലുവാതുക്കലിന് സമീപമാണ് അപകടം.
പരിക്കേറ്റവരെ പാരിപ്പള്ളി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.ചൊവ്വാഴ്ച രാവിലെ ഒമ്പത് മണിയോടെ കല്ലുവാതുക്കല്‍ പഞ്ചായത്ത് ഹൈസ്‌കൂളിന് സമീപം ദേശീയപാതയിലായിരുന്നു അപകടം. കളിയിക്കാവിളയില്‍ നിന്നു കൊല്ലത്തേക്ക് പോയ ബസും ദേശീയപാത നിര്‍മാണ പ്രവര്‍ത്തനങ്ങള്‍ക്കായി എത്തിച്ച മണ്ണുമാന്തി യന്ത്രവുമാണ് കൂട്ടിയിടിച്ചത്.
പാരിപ്പള്ളി പൊലീസ് കേസെടുത്തു. അപകടത്തെ തുടര്‍ന്ന് സ്ഥലത്ത് ഗതാഗത തടസവുമുണ്ടായി.
പ്രതികരിക്കാൻ ഇവിടെ എഴുതുക