ഇടുക്കി : ഓടിക്കൊണ്ടിരുന്ന കെഎസ്ആര്‍ടിസി ബസില്‍ നിന്ന് തെറിച്ചുവീണ വീട്ടമ്മ മരിച്ചു. ഉപ്പുതറ ചീന്തലാര്‍ സ്വദേശി സ്വര്‍ണമ്മയാണ് മരിച്ചത്.
കട്ടപ്പന കുട്ടിക്കാനം റൂട്ടില്‍ ഏലപ്പാറ ചിന്നാര്‍ നാലാം മൈലില്‍ ചൊവ്വാഴ്ച രാവിലെയാണ് അപകടം.സ്‌റ്റോപ്പില്‍ നിന്നു ബസില്‍ കയറിയ സ്വര്‍ണമ്മ വാതിലിനു സമീപത്തെ തൂണില്‍ പിടിച്ചുനില്‍ക്കുകയായിരുന്നു. മുന്നോട്ടുനീങ്ങിയ ബസ് വളവ് തിരിയുന്നതിനിടെ സ്വര്‍ണമ്മ പിടിവിട്ട് തുറന്നു കിടന്ന വാതിലിലൂടെ റോഡിലേക്ക് തെറിച്ചുവീഴുകയായിരുന്നു.
ഗുരുതര പരിക്കേറ്റ സ്വര്‍ണമ്മയെ ആദ്യം പീരുമേട് താലൂക്ക് ആശുപത്രിയിലെത്തിച്ചു. പിന്നീട് കോട്ടയം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചെങ്കിലും ജീവന്‍ രക്ഷിക്കാനായില്ല.
അപകടകാരണം അന്വേഷിക്കാന്‍ നിര്‍ദേശം നല്‍കിയതായി കെഎസ്ആര്‍ടിസി അറിയിച്ചു.
പ്രതികരിക്കാൻ ഇവിടെ എഴുതുക