ഡെറാഡൂൺ ; എൻ ഡി എ യുടെ തെരഞ്ഞെടുപ്പ് വിജയം സനാതന ധർമ്മത്തിന്റെയും, ദേശീയതയുടെയും വിജയമാണെന്ന് ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി . ബിജെപിയുടെ ആശാ നൗട്ടിയാലിനെ വിജയിപ്പിച്ച കേദാർനാഥ് അസംബ്ലിയിലെ ജനങ്ങൾക്ക് അദ്ദേഹം നന്ദി പറഞ്ഞു.
കേദാർനാഥ് നിയമസഭയിൽ ഞങ്ങൾക്ക് ലഭിച്ച ഈ വിജയം ജനങ്ങളുടെ വിജയമാണ്, സംഘടനയുടെ , തൊഴിലാളികളുടെ , വികസനത്തിന്റെ വിജയമാണിത് .ഈ വിജയം ബിജെപി സർക്കാരിനെതിരെ പ്രതിപക്ഷം ഉന്നയിച്ച വ്യാജവും അടിസ്ഥാനരഹിതവുമായ ആരോപണങ്ങളുടെ പരാജയം കൂടിയാണ്. കേദാർനാഥിന്റെ വിജയത്തിൽ ഹിന്ദു അനുകൂല സംഘടനകളുടെ സഹകരണത്തിന് നന്ദി അറിയിക്കുകയും എല്ലാവരും ഒറ്റക്കെട്ടായി ഈ തെരഞ്ഞെടുപ്പിൽ പോരാടുകയും വിജയം കൈവരിക്കുകയും ചെയ്തുവെന്നും ധാമി പറഞ്ഞു.
ജൂലൈയിൽ ബിജെപി എംഎൽഎ ഷൈല റാണി റാവത്തിന്റെ മരണത്തെ തുടർന്നാണ് കേദാർനാഥ് സീറ്റ് ഒഴിഞ്ഞത്. നവംബർ 20നായിരുന്നു മണ്ഡലത്തിൽ ഉപതെരഞ്ഞെടുപ്പ് നടന്നത്. കനത്ത സുരക്ഷയിൽ കേദാർനാഥിലെ വോട്ടെണ്ണൽ രാവിലെ 8 മണിക്ക് ആരംഭിച്ചു
