മുംബൈ : മഹാരാഷ്‌ട്ര നിയമസഭാ തെരഞ്ഞെടുപ്പിലെ പാർട്ടിയുടെ മികച്ച പ്രകടനത്തിൽ കേന്ദ്ര ആഭ്യന്തര മന്ത്രിയും മുതിർന്ന ബിജെപി നേതാവുമായ അമിത് ഷാ മഹാരാഷ്‌ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസിനെ ഫോണിൽ വിളിച്ച് അഭിനന്ദിച്ചു. പാർട്ടിയോട് അടുത്ത വൃത്തങ്ങളാണ് ഇക്കാര്യം അറിയിച്ചത്.
കൂടാതെ ബിജെപി ജനറൽ സെക്രട്ടറി വിനോദ് താവ്‌ഡെയും പാർട്ടി നേടിയ വിജയത്തിൽ പ്രതികരിച്ചു. ഫഡ്‌നാവിസും ഏകനാഥ് ഷിൻഡെയും അജിത് പവാറും ഒരുമിച്ച് പ്രവർത്തിക്കുകയും ജനങ്ങളുടെ വിശ്വാസം നേടിയെടുക്കുകയും ചെയ്തുവെന്നും അദ്ദേഹം പറഞ്ഞു.
കൂടാതെ മഹായുതിയുടെ പ്രകടനത്തിൽ ദേവേന്ദ്ര ഫഡ്‌നാവിസിന്റെ അമ്മ സരിതാ ഫഡ്‌നാവിസും സന്തോഷം പ്രകടിപ്പിച്ചു.
“ഞാൻ ഒരിക്കലും ഒരു കിംവദന്തിയിലും വിശ്വസിച്ചിരുന്നില്ല, ദേവേന്ദ്രൻ നല്ലത് ചെയ്യുമെന്ന് എനിക്കറിയാമായിരുന്നു. മുഖ്യമന്ത്രി മജ്ഹി ലഡ്കി ബഹിൻ പദ്ധതിയും ദേവേദ്രയുടെ പ്രയത്നവും ജനപ്രീതിയുമാണ് പാർട്ടിയുടെ വിജയത്തിന് കാരണമായത്. അദ്ദേഹം വളരെ ബുദ്ധിമാനും മിടുക്കനും ധീരനുമാണ്, അതാണ് അദ്ദേഹത്തിന് ഈ വിജയം കൊണ്ടുവന്നത്,”- അവർ പറഞ്ഞു.
പ്രതികരിക്കാൻ ഇവിടെ എഴുതുക: