ലഖ്നൗ: യുപിയിലെ ഉപതിരഞ്ഞെടുപ്പ് നടന്ന ഒമ്പത് നിയമസഭാ സീറ്റുകളിൽ ബിജെപി നാല് സീറ്റുകളിൽ മുന്നിട്ട് നിൽക്കുന്നതായി റിപ്പോർട്ട്. രണ്ടിടത്ത് മാത്രമാണ് സമാജ്വാദി പാർട്ടി മുന്നിട്ട് നിൽക്കുന്നത്.
കുന്ദർക്കി, ഖൈർ, സിസാമാവു, മജവാൻ സീറ്റുകളിൽ ബിജെപി സ്ഥാനാർഥികൾ മുന്നിട്ടുനിൽക്കുമ്പോൾ കർഹാലിലും ഫുൽപൂരിലുമാണ് എസ്പി സ്ഥാനാർഥികൾക്ക് മുൻതൂക്കമുള്ളത്. അതേ സമയം മറ്റ് മൂന്ന് സീറ്റുകളിലേക്കുള്ള വോട്ട് നില പുറത്ത് വന്നിട്ടില്ല.
നേരത്തെ 2022ലെ നിയമസഭാ തിരഞ്ഞെടുപ്പിൽ ഫുൽപൂർ, ഗാസിയാബാദ്, മജവാൻ, ഖൈർ സീറ്റുകളിൽ ബിജെപി വിജയിച്ചപ്പോൾ സിസാമാവു, കതേഹാരി, കർഹാൽ, കുന്ദർക്കി എന്നിവിടങ്ങളിൽ എസ്പി വിജയിച്ചിരുന്നു.
നിലവിലെ നിയമസഭയിൽ ബിജെപിക്ക് 251 എംഎൽഎമാരാണുള്ളത്. തൊട്ടുപിന്നിലായി എസ്പിക്ക് 105 എംഎൽഎമാരുടെ പിന്തുണയുണ്ട്.
