തിരുവനന്തപുരം: സ്വാമി സത്യാനന്ദസരസ്വതിയുടെ പതിനെട്ടാമത് മഹാസമാധി വാര്‍ഷികം 24, 25 തീയതികളില്‍ ചേങ്കോട്ടുകോണം ശ്രീരാമദാസ ആശ്രമം മിഷന്‍ പ്രസ്ഥാനങ്ങളുടെ നേതൃത്വത്തില്‍ ആചരിക്കും.
ശ്രീരാമദാസ ആശ്രമത്തില്‍ 24ന് പുലര്‍ച്ചെ 4 ന് നിര്‍മാല്യം, രാവിലെ 5.30 ന് ആരാധന, 6.30ന് അഹോരാത്ര ശ്രീരാമായണപാരായണ സമാരംഭം, 10 ന് ഗുരുഗീതാ പാരായണം, ഭജന. 11 ന് മഹാസമാധിപൂജ, ഉച്ചയ്‌ക്ക് ഒന്നിന് പ്രസാദ ഊട്ട്, വൈകിട്ട് 6.30ന് സഹസ്രദീപ ദര്‍ശനം, രാത്രി 8.30ന് ഭജന, ആരാധന. 25 ന് വെളുപ്പിന് 3.30 ന് ശ്രീരാമപട്ടാഭിഷേകം. 5ന് നിര്‍മാല്യം, രാവിലെ 5.30ന് ആരാധന, 6.30ന് അഹോരാത്ര ശ്രീരാമായണ പാരായണ സമാരംഭം, 7.30ന് ലക്ഷാര്‍ച്ചന സമാരംഭം, 8 ന് കഞ്ഞിസദ്യ, ഉച്ചയ്‌ക്ക് ഒന്നിന് അമൃതഭോജനം, വൈകിട്ട് 6 ന് ലക്ഷാര്‍ച്ചന സമര്‍പ്പണം, രാത്രി 8.30 ന് ഭജന, ആരാധന, വെളുപ്പിന് 26ന് പുലര്‍ച്ചെ 3.30ന് ശ്രീരാമപട്ടാഭിഷേകത്തോടെ ചടങ്ങുകള്‍ സമാപിക്കും. ശ്രീരാമദാസ ആശ്രമം അദ്ധ്യക്ഷന്‍ സ്വാമി ബ്രഹ്മപാദാനന്ദ സരസ്വതി ചടങ്ങുകള്‍ക്ക് മുഖ്യകാര്‍മികത്വം വഹിക്കും.
