തിരുവനന്തപുരം: ചിറയിന്കീഴില് യുവാവിനെ കുത്തിക്കൊലപ്പെടുത്തി. കടയ്ക്കാവൂര് തേവരു നട സ്വദേശി വിഷ്ണുപ്രകാശ്(26) ആണ് കൊല്ലപ്പെട്ടത്.
വെളളിയാഴ്ച വൈകുന്നേരം ഏഴ് മണിയോടെ ആനത്തലവട്ടം ജംഗ്ഷനില് വച്ചായിരുന്നു സംഭവം. കുത്തേറ്റ് ഗുരുതരാവസ്ഥയിലായ വിഷ്ണുപ്രകാശിനെ തിരുവനന്തപുരം മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കൊടും കുറ്റവാളി ആട്ടോ ജയന് ആണ് വിഷ്ണുപ്രകാശിനെ ആക്രമിച്ചത് എന്ന് പൊലീസ് അറിയിച്ചു. പ്രതിയെ പിടികൂടാന് പൊലീസ് തെരച്ചില് ഊര്ജിതമാക്കി.
വെല്ഡിംഗ് ജോലികള്ക്ക് സഹായിയായി പോകുന്ന വിഷ്ണുപ്രകാശ് അടുത്തകാലത്താണ് വിദേശത്തുനിന്നും നാട്ടിലെത്തിയത്. കൊലക്ക് പിന്നിലെ കാരണം വ്യക്തമല്ല.
